علق الإعلامي عمرو أديب على الهجوم الذي تعرض له زميله في قناة «MBC مصر» الإعلامي شريف عامر، على خلفية مداخلة من الفنان عادل إمام، خلال برنامج «يحدث في مصر».
عمرو أديب يقصف جبهة منتقدي مكالمة عادل إمام مع شريف عامر
وقال أديب خلال برنامجه «الحكاية»، عبر فضائية «MBC مصر»، مساء الجمعة، إنه سأل عن تفاصيل المداخلة، وعلم أنها أجريت بشكل مفاجئ وعن طريق المصادفة، ولم يكن مخططا لها، مشيرًا إلى أن الزعيم هو من طلب إجراء المداخلة.
وأضاف: «الناس اللي عند عم عادل امام في البيت بيتكلموا مع شريف في التليفون وقالوا إحنا بنكلم شريف، وقالهم إدوني أكلمه».
وأشار إلى أن المذيعين نوعان؛ أحدهما يحسب الأمور بشكل دقيق، والنوع الآخر لا يحسب شيئًا، متابعًا: «في مذيع بيبقي عايز يعصر المصدر للآخر، وفي حد تاني بيقول مش قضية المداخلة، أنا سعيد أن إنت معايا ومش عايز أضايقك ولا أطوّل عليك ولا أبقى بايخ».
وأوضح «أديب»: «أنا مكلمتش شريف عامر، لكن أنا عارف شريف بيفكر إزاي؛ مكنش عايز يضغط على الراجل، وهقول لكم كمان كلمة محدش عايز يقولها، إنه يخليه يقول حاجة مش حلوة!».
مقالات أخرى قد تهمك:
أحدث ظهور لـ عادل إمام في عيد ميلاده الـ83 .. لن تصدق كيف أصبحت ملامحه
يسرا تكشف تفاصيل مكالمتها مع دلال عبد العزيز في جنازة سمير غانم
وتابع: «شريف مش اللي هو مش عارف يسأله، أنا أقولك 20 سؤال لعادل إمام، لكن شريف كان مقدر إن الراجل داخل معاه يوم عيد ميلاده ومقدر إنه مش عايز يضايقه».
وأكمل «أديب»: «أنا قعدت سنين الزعيم عادل إمام يكلمني بالليل في البرنامج.. مساء الخير يا عمرو، أقوله مساء الخير يا زعيم، يقولي أنا داخل أنام بقى مع السلامة.. وكانت إفيه»، متابعًا: «شريف عامر قرر يكون ظريف ولطيف وإنسان في مكالمته مع الزعيم».
