عامل النظافة أو النجم محمد عادل قرر الإرتباط و فترة صغيرة وسيدخل فيلا الزوجية،تفتكروا لماذا إرتبط،ومن العروسة؟ مفاجآت عديدة سنكشفها من خلال هذا التقرير ومفاجأة عن قيمة الشبكة فتابعونا.
عامل النظافة بقى له وضع معين كده وسط الناس،والحقيقة مش كل اللى بيقوله كدب وهدفه التريند بس لا،زى خناقاته مع عصام شعبان عبد الرحيم كده ،وفى الأخر قالوا مقلب من مقالب رمضان،وإنها تمثيلية عملها على الجمهور.
خاصة لو حاجة فى جواز وإرتباط،بنات الناس مش لعبة،وهو قرر يتجوز وهيتجوز هو حرام عليه الجواز يعنى؟ زى ما قال كده ينقصه إيه علشان يكمل نص دينه؟
الحقيقة إن النجم محمد عادل بقى مقيم فى القنوات والبرامح والحوارات،زى ما يكون ماضى عقد مع مذيع معين وبرنامج معين متابع كل أخباره لا وكمان بيكشف مفاجاة عنه فى وجوده أو لا.
عادل فى أخر حوار له، كشف مفاجأة عن حياته الخاصة كالعادة، ولإنه جدع وإبن بلد ملهوش فى إنه يصاحب لا،دخل البيت من بابه ،مش من نفسه يعنى؟
لما المذيع سأله قابلت نصك التانى إمتى وفين ؟ قاله قبل النجومية،متستغربش المذيع قاله زيك كده بالظبط لحقتك بالمقشة؟ ماهو نعقل الكلام يعنى ولا إيه يا نجم؟
بسرعة جاب ورا ورجع فى كلامه وقال لالا بعد النجومية بعد الدنيا ما لعبت.
الغريب لما سأله المذيع هل هى أعجبت بمحمد بتاع المقشة ولا محمد النجم؟ قاله لا هى عارفة أصلى وفاصلى،على أساس محدش يعرف أصلك كنت إيه؟ مع إحترامنا لعمال النظافة على راسنا طبعا.
محمد وشه أحمر وعينه لمعت وإحنا عارفين الحب يعمل أكتر من كده وقال بكل كسوف بحبها وبتحبنى ،وهى دى اللى أقدر أكمل معاه باقى حياتى وأتجوزها .
طبعا العروسة قالتله ميهمنيش إنت كنت إيه يهمنى إنت دلوقتى إيه،إحنا ولاد النهاردة،وطلبت منه شبكة ب 100 ألف جنيه فى ظل إرتفاع أسعار الدهب دى متخيل؟ محمد قالها ميغلاش عليكى طبعا ياست البنات.
ولما المذيع سأل محمد بإستغراب بجد هتجبلها شبكة ب100 ألف جنيه؟ قاله ياعم دول 100 ألف مش مليون يعنى إنت مكبر الموضوع ليه؟
طبعا الكل عايز يعرف من اللى أمها داعية لها،أو داعية عليها الله أعلم،الحقيقة إن التخمينات كترت الساعات اللى فاتت عن إرتباطه بنورهان كوراع ،أو خلينا نقول نورهان حفظى علشان محمد بيزعل ويغير عليها أوى ، بما إنه قال إنه إتعرف عليها قريب وخاصة إن الفترة اللى فاتت كانت سبب فى تصدره التريند لما طبطت عليه فاكرينها؟
لما كان بيعيط بعد طرده من لوكيشن تصوير مسلسل التاروت بطولة سمية الخشاب ورانيا يوسف،هى لاقيته تريند فقالت وماله ما أطبط وأدلع فيه واهو ينوبنى من التريند جانب، وقالت فى إيه يا جماعة ده أنا طبطبت عليه أمال لو كنت حضنته؟
لكن محمد نفى كل ده وقال نورهان أخت كبيرة ليا وبيحترمها ولكن مفيش أرتباط ولا حاجة.
مش بس كده بردوا الشهور اللى فاتت لما ظهر مع إعلامية وقالوا خطيبته ولكن المذيعة نفت ده وقالت الفيس كله اتقلب اهدوا شوية، من تواضع لله رفعه بسببكم محمد اعتذر عن حضور مؤتمر المناخ معايا كلنا من نسل آدم.
محمد ماشى بمبدأ التريند اللى يخلص والناس تنساه،يرجع ينعشه تانى ويجدد فيه ،وكأنه بيقول للجمهو أنتو نسيتوا ولا إيه؟ تفتكروا ده تريند جديد لعامل النظافة بما إنه خلص تريند الخناقة مع عصام عبد الرحيم؟ولا فعلا هيتجوز ويعقل ويقفل على نفسه وحياته الشخصية ولا هتكون بداية جديدة لشهرة أكبر؟ وياترى مين العروسة اللى رفض يقول إسمها؟ كل التفاصيل دى هنعرفها الساعات الجاية تابعونا.
