حالة من الجدل الواسع، أثارتها الفنانة نشوى مصطفى، الساعات الماضية، بسبب تصريحات لها عن غلاء البنزين وانقطاع الكهرباء، الأمر الذي عرضها لهجوم وانتقادات واسعة من جانب الجمهور.
من جانبها، ردت نشوى مصطفى على هذا الهجوم وكتبت: “تاني هاقول بصوت عالي، لا بخاف ولا بتهت، هيحاولوا يسكتوا أي صوت يقول أنا هاتحمل بلدي وقت الشدة، ونعدي الوقت الصعب وبعدين نتحاسب.”
“هيشتموني بأحط الشتايم”.. أول رد من نشوى مصطفى بعد الهجوم عليها
وتابعت: “هيتهموني بالجهل، وهايعايروني إني كومبارس، وهيشتموني بأحط الشتايم، ولا هاتهز، أنا مصرية مش بس كده دا أنا شبراوية، يعني متربية في حواري مصر الأصلية، وتحيا مصر غصب عنكم، وهافضل أقول: أتحمل الجوع وما اتحملش الذل.”
واختتمت: “اللي مش شايف إننا بنتحارب هو حر، مكنتش فاكرة إني مأثرة ومعلمة أوي كده، تحيا مصر 3 مرات.”
وفي وقت سابق، قالت نشوى في برنامج “بنت البلد”، المعروض على قناة “Ten”، :”أنا رزقي على الله في الجملة اللي هقولها، البنزين زاد لما العدو يمنع من عنده إنه يصدر لك طاقة علشان يذلك ويكسرك ويهينك كا مصري، وأنت تقوله مش عايز”.
وأضافت :”الناس اللي بتقول الكهرباء بتقطع ساعتين، إن شاء الله تقطع 24 ساعة بس تكون في بيتك متأمن، مافيش عدو يدخل بيتك يغتصب بنتك أو مراتك، ولا أمك”.
وأكملت: “الحمد لله نستحمل مع بعض، احنا صحاب البلد دي، يارب احميها واحرسها”.
اقرأ ايضا:
