دافعت الفنانة عارفة عبد الرسول عن النجم عمرو دياب بعد موجة الانتقادات والهجوم الذي تعرض له إثر انتشار فيديو صفعه لمعجب.
كتبت عارفة عبد الرسول عبر حسابها بموقع Facebook: “يعنى بما إني محسوبة على المشاهير وبتيجى الناس تتصور معايا احيانا واحد يحط ايده على كتفى من غير مايستأذن بلاقيه بيتك كده على كتفى بطريقه مش بريئه ااقول لنفسى اومال لو ماكنتش عجوزه كان عمل ايه ومنعت خالص حد يحط ايده عليا”.
“واد متحرش”.. عارفة عبد الرسول تكشف مفاجأة عن صاحب واقعة عمرو دياب
وتابعت: “أنا بصراحة ماليش فى عمرو دياب، ولكن عايزه بتوع البادى لانجوتش يبصوا على حركه صوابع الولا وهيه متشنجه، (حاله من الشبق) وبتجذب عمرو ناحيتها وفجأه بقى فى ضهره، المفاجأة خلت رد الفعل شكله كده، احسبوها، الواد ده متحرش، وجهه نظر.”
وفي أول تعليق له قال الشاب محمد سعد أسامة: “أنا حزين جدا أنا واحد معجب كنت عاوز اتصور معاه مش أكتر من كدة.. الحركة اللي حصلت منه مش لطيفة خالص ولا تليق بواحد تفكيره زي عمرو دياب”.
وأضاف في تصريحات صحفية: “الناس كلها بتتصور معاك مين اللي بينجحك؟ احنا اللي بنخليك تريند.. مين اللي طلعك فوق وحققلك مشاهدة؟ احنا اللي بندي قيمة للواحد..أنا مش بشحت منك ولا بقولك هات حاجة لله.. أنا بحبك وعاوز اتصور معاك والتليفون أنا كنت رافعة عشان معطلوش وكنت مستني الشغل أما يخلص اتفاجئت أنه اداني بالقلم على وشي”.
وتابع: “أنا مقرصتوش أنا كنت بحسسه أن في حد واقف جنبه عاوز يتصور معاه مش اكتر من كدة..حطيت ايدي على ضهره عادي أنا بحبه جدا مش بغرض اي شيء اخر لكن اتفاجئت برد الفعل ”.
وأعلن الشاب: ” أنا دلوقتي رايح أشتكيه في النقابة الأول وأشوف أي اجراء رسمي عشان اعوض حقي في اللي حصل”.
اقرأ ايضا:
“كل حاجة انكشفت”.. رسالة مفاجئة من عمرو مصطفى بعد واقعة صفع عمرو دياب
