حرصت الدكتور تهاني جعفر والدة النجمة منى زكي، على دعم ابنتها، وذلك من خلال حضورها حوار الإعلامي محمود سعد مع ابنتها في برنامج Sold Out، الذي طُرح على منصة Watch IT.
ولفتت الدكتورة تهاني جعفر، الأنظار بجمالها الصاخب الذي سحر الجميع، بجانب أناقتها.
وقالت الدكتور تهاني جعفر، خلال الحلقة: دايمًا بخاف عليها لأنها بنت طول عمرها كويسة جدًا وزوجة وأم شاطرة، في كل حاجة الحقيقة ما شاء الله عليها.
وتابعت والدة منى زكي: ما شاء الله ماشية كله مظبوط، مش بشوف غير مسلسلاتها، بتكلمني أول واحدة تسألني وممكن أقولها برافو عليكي أو لا.
وسألها الإعلامي محمود سعد: إيه أكتر شخصية قدمتها وأثرت فيكي وحبتيها، لتجيبه والدة منى زكي، قائلةً: الحقيقة لعبة نيوتن.
واستطردت منى زكي: ماما بتنقدني جامد على فكرة مش على طول بتطبطب عليا، بيبقى عندها كلام بتقوله على طول.
واستكمل محمود سعد محاورة والدة منى زكي، ليسألها: كنتِ متوقعة تبقى نجمة ومشهورة؟، لتجبيه: في مرة كنا على البحر وفيه واحدة بتشوف الودع ووقفت عشان أتفرج، وكنت لسه مخلفتهاش وقالتلي هتجيبي بنت وهتبقى مشهورة جدًا جدًا وهتلفي العالم أنتي وهي وده حصل.
اقرأ أيضًا: بعد تخطيه الـ 83 عاما.. فنان شهير يعلن انتظاره مولود جديد
