فنانة جريئة جداً غير فارق معها تظهر بأي لبس لأنها ترى أن هذه حريتها، رأيناها في أفلام بتمثل بطريقة جيدة وتستعرض أحلى شكلها مقبول والجمهور بيحبها.
وفي الفترة الأخيرة قدمت كام أغنية الألفاظ فيهم مش ولابد وعملولها مشاكل.. ده اللي نعرفه من بره عن الفنانة دوللي شاهين.. لكن أسرارها والمستخبي عنها كتير وده اللي هقولكم على تفاصيله في الفيديو اللي معايا.
طفولة قاسية
اتمنت تتولد في عصر سعاد حسني وصباح وهند رستم وكل القمرات دول لكن نصيبها بقى .. واتولدت دوللي شاهين يوم 2 يوليو سنة 1985 وهي لبنانية من أب لبناني وأم أصولها برازيلية، واتشهرت بعد كليب أغنية مومو عيني ليها في قناة ميلودي.. لكن دوللي عاشت طفولة قاسية جداً بابها كان راجل شرقي جداً ومقفل عليها في كل حاجة لبس لأ حياة لأ ده حتى لما جالها جيبة هدية وهي عندها 13 سنة رفض يخليها تلبسها وخدها قطعها وده اللي خلاها اتقهرت جداً.. وكمان مكانش عندها فكرة فتى أحلام وكل اللي كانت بتتمناه تتحرر من اللي هي فيه ومن عيشتها دي قبل ما تفكر في مين فتى أحلامها والكلام ده..
يعني بالبلدي كده طفولتها مكانتش عظيمة وعلشان كده في ذكريات كتيرة عقلها عملها بلوك لكن كل اللي تفتكره إنها في سن معين كده كانت عاملة زي الولد وشقية جداً وعفريتة، وعلاقتها بباباها مكانتش عظيمة.. لكنها بتشوف مامتها ست عسل طيبة وبتخاف على عيالها.
بنتها مش هتمثل
دوللي شاهين اتجوزت مرة وخلفت بنت ورغم إنها عافرت واختارت مستقبلها بنفسها مش حابة بنتها تعيش نفس الأجواء وتدخل مجال التمثيل.. بس في الوقت قالت إن لو التمثيل ده اختيار بنتها عمرها ما هتقدر تمنعها من حاجة هي اتمنعت منها وهي صغيرة وهتدعمها في أي حاجة بس هي مش عاوزاها تدخل الوسط الفني لأنه عذاب وشقى ومفيش عندها حد يدعمها زي ما هي كانت لوحدها ومفيش حد يدعمها وكمان أوقات كتير بتقعد من غير شغل علشان الشللية في الوسط..
واللي محدش يمكن يعرفه كتير إن دوللي فضلت مصممة على رأيها في موضوع التمثيل ده وقالت ده مستقبلي وأنا اللي هحدده ويا إما يكون ده مستقبلها يا إما هتنهي حياتها وتخلص خالص بقى ما هي العملية مش ناقصة يعني طفولة وحشة وكمان هتحطوني في حاجة مش بحبها.. ومع التصميم ده عرفنا دوللي شاهين المطربة والممثلة.
غلطة العمر
كلنا بناخد ذكريات من الطفولة وتكبر بيها واللي كان بيحصل معاها من صغرها ومع مامتها لسه فاكراه ومأثر فيها.. ودوللي شايفة إن فرق السن المناسب بين أي راجل ومراته يكون بسيط لحد 4 سنين مثلاً لكن التربية الشرقية ومسؤولية البيت بتفرق.. بس الفرق بين باباها ومامتها كان 20 سنة وبسبب كده كانت بتعاني مع شخصية باباها القوية جداً وشافت إن مامتها اتجوزته لما كان عندها 14 سنة تقريبا يعني تقدروا تقولوا كده إنه ربى مامتها على إيده زي ما رباها هي واخواتها.. تخيلوا مامة دوالي كانت بتولد وهي عندها 14 سنة و9 شهور مثلاً يعني لسه طفلة زينا بتكتشف الدنيا ولسه بتوعى على الحياة.
