حالة من الجدل الواسع، أثارتها الإعلامية نجوى إبراهيم، الساعات الماضية، بعد تصريح متداول لها، حول إيداع الأمهات في دور المسنين.
وقالت نجوى في برنامجها الإذاعي: “موضوع علاقتنا بدار المسنين ممكن يكون إيجابي جدا، أنت أو انتي مش فاضيين مسافرين أو عندكم شغل، ووالدتك مش لاقية حد يتكلم معاها فتودوها دار المسنين، أو حتى لو تعبانة هيكون معاها ممرضة وأيضًا ونس صديقة في المكان.”
“ودوا أمهاتكم دار مسنين”.. أول تعليق من نجوى إبراهيم على تصريحها المثير للجدل
وفي أول تعليق لها على الأزمة قالت نجوى : ” الكلام المنتشر متاخد جزء صغير منه، عشان يتعمل منه تريندات، وأنا مطلبتش ولا قلت ودوا أهلكم دار مسنين لأن ده ميصحش دينيًا ولا أخلاقيا.”
وتابعت: ” مينفعش تجيبوهم تبهدلوهم في البيت وتسيبوهم للشغالين وهما كبار، ساعتها ودوهم الدار أفضل.”
وفي وقت سابق، وجهت الإعلامية نجوى إبراهيم، رسالة عتاب للفنان رامز جلال، وذلك بسبب كلمات أغنية برنامجه «رامز جاب من الآخر»، والذي عرض في موسم رمضان الماضي 2024.
وقالت نجوى إبراهيم، في برنامجها «بيت العز»، المذاع عبر محطة نجوم «FM»: «من كام يوم نزلت أشتري حاجات، ولاقيت بنات ماشين مع والدتهم بيقولوا يا لهوي يا لهوي، ليه يا رامز عملت كده في العيال؟ مش حلو إن الولاد بيقولوا كده».
وأضاف: «رمضان اللي جاي هتعلمنا إزاي نلطم؟ ياريت نخلي بالنا من الكلام، من المسلسلات بيتقال ملغم وبيتحفظ، إحنا نخلي بالنا ونحاول إننا نتفرج على حاجات حلوة».
اقرأ ايضا:
