حلت الفنانة تغريد فهمي، الساعات الماضية، ضيفة في برنامج “المنسي” المذاع على قناة “هي”، وتحدثت عن علاقتها بالفنانة الراحلة زيزي مصطفى.
وقالت تغريد فهمي: ” زيزي مصطفى كانت حبيبتي أوي ومكنتش بتسيبني ولا كنت بسيبها لحد لما توفت كنا صحاب جدا”.
سر وفاة زيزي مصطفى
وتابعت: “زيزي مصطفى توفت بسبب فنانة موجودة دلوقتي .. كانت متجوزة الفنان يسري مصطفى وكانت قاعدة معاه فترة طويلة وهو مريض في المستشفى ولما ربنا شفاه وشد حيله الفنانة دي خطفته من زيزي واتجوزته”.
وأكملت: “زيزي مقالتش وبقينا أنا وهي بس اللى عارفين، والفنانة دي كانت بتدخل بيت زيزي مصطفى قبل ما تخطف جوزها والموضوع ده أثر عليها وانهارت لما بقى الموضوع اتعرف وزعلت جدا”.
وأضافت: “هي كانت متجوزاه علشان مصلحة ويشغلها، ولما معملش اللى هي عايزاه تركته، وبدأت تشتغل من فترة”.
