علقت الفنانة فريدة سيف النصر، عن الأزمة التي تمر بها الفنانة منة شلبي، حاليًا بعد قرار إحالتها للمحاكمة الجنائية بعد ضبطها بمواد مخدرة.
وقالت فريدة سيف النصر عبر حسابها على فيسبوك: “: منة شلبي.. منة الله قلبي عندك يابنتي.. كل ما اقرأ خبر.. لنا الرحمة والرأفة منك يارب.. البوست بيسألك إيه اللي في عقلك علشان نكتبه.. الحقيقة هو مش في عقلي هو في قلبي وروحي وماعرفش اسكت طبيعتي كده خلقة ربي وتربية لوزه أمي”.
«ولاد الحرام اتلموا عليها».. فريدة سيف النصر تفجر مفاجأة عن منة شلبي
وتابعت: “الأول هاطلب منكم الجدعنة المصريين جدعان والكلمة بتأثر بيسموها الرأي العام والسؤال.. الفنان لما يبقي في محنة بيحتاجكم أوي أنتم عملتوه بعد ربنا وهو بيبقي على أعصابه خايف تزعلوا عايز يرضيكم.. فهطلب منكم بلاش قسوة وحياة سيدنا النبي معلش.. افتكروا لنا أي مشهد ضحككم وإنتم زعلانين أو رواية كانت واقعية كأنكم عيشتوها.. خلوا الحب اللي كان جواكم يهدي مايثورش.”
وأضافت: “أيوة بنغلط كلنا بنغلط إحنا بشر فينا اللي بيكمل غلط وفينا اللي بيرجع من أولها وفينا اللي بينصحوه غلط ويغرقوه منهم لله.. وفينا اللي قدوته بهدلته وعقدته ومش شايف حياته الحلوة لأن جواه حياة شافها يتمنى إنه مايفتكرهاش بس مابيقدرش”.
وأكملت: “ولاد الحرام ماسابوش البنت الصغيره في حالها.. اتلموا زي الأفاعي حواليها زي ما اتلموا على كتير غيرها.. طبعا ماهم بيتلموا على الناجح اللي لوحده ومكسبه.. وعلموها تنسى إزاي اللي مضايقها بطريقتهم.. منهم لله.. حبيبتي مالقيتش الضهر ولا النصيحة الصح.. في وجود أم من كتر خوفها وحبها مابتقدرش تزعلها.. ووقعت البنت في مشكلة مش سهلة.. لكن ماتقصدهاش.. لكن احتمال اللي كانوا معاها في رحلتها يقصدوها.. الله أعلم.. دي محنة يا جماعة.. أكيد هي والأم في حالة يارب ماحدش يشوفها.. وغلاوة النبي بالراحة.”
واختتمت: “السجن صعب على حد طول عمره مسجون جوه نفسه بصوره معينة.. غير صورته في عيون الناس.. أنا كأم بقول إلهي مايقع لكم غالي في ضيقة.. والبنت دي بنتنا كلنا.. أخت ولادنا كلنا.. والنبي ماحدش يشمت ولا يغلط”.
اقرأ ايضا:
