حلت الفنانة ياسمين صبري، الساعات الماضية، ضيفة ببرنامج “الحكاية” مع الإعلامي عمرو أديب، حيث كشفت عن أسرار حياتها الخاصة.
وخلال اللقاء، قامت الفنانة ياسمين صبري، بتعليم الإعلامي عمرو أديب، على الهواء، طريقة ممارسة اليوجا.
ياسمين صبري تعلم عمرو أديب اليوجا على الهواء..
وقالت ياسمين صبري: “أول حاجة لازم تفرد ضهرك وترجع رقبتك لورا وتبدأ تنظم نفسك، متتنفسش من بوقك، بوقك للأكل والشرب، تتنفس من مناخيرك”.
وتابعت: “هتلاقي نفسك مش منتظم لإنك مش متعود، نفسك يبقى من بطنك زي البيبي والنفس يبقى من البطن مش من الصدر”.
من جانبه، قال عمرو أديب:”دايما بحس إن العلاج المهم طبق فول حلو عليه شوية زيت وليمون”.
لترد ياسمين: “أنا حاسة لما أنا هديت صوتي إنت ارتحت وفيه هدوء، هههه والله العظيم يا جماعة مش ممكن حسيت بهدوء ولا بتشتغلني”.
ليعلق عمرو أديب: “أنا أول لما حسيت إن الدنيا فيها الهدوء، هدوء إيه ويوجا إيه إحنا في إيه ولا إيه إنتوا إتجننتوا”.
وخلال اللقاء قالت ياسمين صبري: ” ربنا أنعم عليا بالشكل ودي حاجة منقدرش ننكرها، فالشكل ساعدني أكون واجهة للعلامات التجارية وأنا كملت ده بالواجهة والأسلوب واللبس”.
وتابعت: ” بشوف كومنتات ناس بتقول هي بتصرف كل الفلوس دي إزاي؟ واللي مش عارفينه إني مش بصرف جنيه.. لما الإنسان بيكون واجهة بتيجي علامات تجارية تقول أنا عايز الست دي تمثلني وتكون السفيرة بتاعتي لأنها بتدي انطباع”.
وأضافت: “وأنا بعمل دعاية بطريقة غير مباشرة، لإن الإعلانات المباشرة واللي بالغصب وبالعافية كانت زمان والناس هتنفر مني كده. ”
اقرأ ايضا:
«كل الرجالة بتحبني ما عدا هذا الشخص».. ياسمين صبري تفاجئ الجميع بتصريحات مثيرة
