حالة من الجدل الواسع، أثارتها الفنانة يسرا الساعات الماضية، بعد تصريحات لها عن اعتزال الزعيم عادل إمام.
وقالت يسرا: “متصورتش في يوم إن عادل إمام أستاذنا الكبير يعتزل لأنه عاش للفن وعمري ما تصورت إنه يبعد عننا، تصورت يومها أنه معقول مش هيرجع لينا تاني بفنه؟”.
يسرا تفجر مفاجأة عن شقيق عادل إمام.. لن تصدق ماهي؟
وأضافت: “حتة من قلبي اتخلعت، وعلى فكره حقه إنه يعوز يرتاح بس أنا مش شايفاه بعيد ولا هيبعد عني أو عن جمهوره.”
وأكملت: “عمري ما هنسى لما أستاذ عصام إمام قالي من 20 سنة، هعملك مسرحية وهسميكي الزعيمة، قولتله لأ مفيش زعيم غير أستاذ عادل، فأنا برضوا صعب أي حد يقارن نفسه بـ عادل إمام.”
وتابعت: “أنا ولبلبة دايمًا بنروح نشوف عادل إمام، وأنا بفرح بقاعدتي معاه وبنقعد نتكلم على كل الشغل وبيضحك ويهزر ولذيذ وقاعدته دمها خفيف، هو راجل رائع بمعنى الكلمة.”
وفي وقت سابق، كشفت الفنانة يسرا، عن موقفها من تقديم الأدوار الجريئة خلال ندوتها في مهرجان الجونة اليوم.
وقالت يسرا: علي حسب الدور هل أنا هفيده ولا هو هيفيدني والجرأة جزء من الشكل بتاعي، عملت مع رأفت الميهي أحلى فيلم وهو الأفوكاتو وفي ناس وقفت ضدنا في محاكم ولا أنسي موقف في مرة ناس معديين ندهوا عليا عاوزين نتجوزك يا عطية.
كما تحدثت يسرا عن تعاونها مع الفنان عادل إمام قدمت وقالت: عملت 17 فيلمًا مع عادل إمام من أحلى أعمالي وهو دمه خفيف وبيكون حافظ كل حاجة وبيخلي الحياة لذيذة وسهلة وتستمعي بالشغل معه وبيختار موضوعات مهمة.
اقرأ ايضا:
“أصعب فترات حياتي”.. مفيدة شيحة توجه رسالة مفاجئة لسهير جودة
