فنان له بصمة فنية كبيرة، وكمان معروف بخفة دمه على الشاشة من خلال مواقفه الكوميدية لكن عنده مجموعة من الاسرار عاملاله ازمة كبيرة.نتكلم عن الفنان أحمد آدم الذي دخل في اكتر من خناقة فنية بسبب آرائه في برنامجه الكوميدي.
أنكر جميل محمد نجم وتسبب في وفاته
الفنان الراحل “محمد نجم” كان دمه خفيف اوي على المسرح، ومن خلال مدرسة نجم المسرحية، اتخرج نجوم من العيار التقيل
منهم مثل ليلى علوي، وهالة صدقي، وفاروق نجيب، والفنان أحمد آدم اللي اتكلم عنه بشكل وحش قبل رحيله في لقاء تلفزيوني، وحاول يقلل من قيمته.
“نجم” وقتها سمع كلام “آدم” ومن الحزن والأسى أصيب بجلطة، ودخل العناية المركزة لسوء حالته وبعد أيام فارق الحياة.
وقتها وبعد ساعات من خبر رحيل “نجم” طلعت مراته “يسرية عبد الجليل” اخت الفنان عمرو عبدالجليل فتحت على “أحمد آدم” باب الهجوم وقالت إنه اتسبب في وفاة جوزها بسبب التقليل منه.
“يسرية” قالت كمان إن “آدم” حاول يقلد جوزها “محمد نجم” لكنه فشل، ووصفته بناكر الجميل وقالت كمان انه “عض الإيد اللي اتمدت له”.
“يسرية عبد الجليل” كانت هاجمت احمد آدم بشكل كبير وقالت انه اتعلم من محمد نجم، وكان بيعتبره أستاذه وقاعد في بيتهم 24 ساعة، يأكل ويشرب ولما ابتسم له الحظ هاجم الاستاذ اللي علمه وكان سبب رئيسي في رحيله.
مراته قفشته مع واحدة 3 مرات
احمد آدم كان في لقاء تلفزيوني مرة على الهواء واعترف إن مراته ضبطته أكتر من 3 مرات مع واحدة غيرها، رغم إنه بيحبها وميقدرش يتخلي عنها.
“آدم” في برنامج “حبر سري” والمذيعة عرضت عليه خبر يعترف فيه بسر فقال إن مراته ضبطته مرتين تلاتة، وعلق على ده وقال ان الحقيقة هي قفشته أكتر من كدة وكان شكله وحش“.
وعن حبه لمراته قال آدم: ”لا دي حاجة ودي حاجة.. دي حاجات فني بيتسلى يعني، لكن هي سامحته ورمت طوبته لما عرفت أنه مفيش منه فايدة.
وفي مرة مرة عمل رهان مع مراته وقالت له لو قفشتك هخلعك وتنهي العلاقة وهو وافق لان البيت اهم، عشان كدة لما بتواجهه ميقدرش يكدب ويعترف على طول.
وقع في تامر حسني بسبب شعر صدره
“احمد آدم” وقع في خناقة كبيرة مع المطرب “تامر حسني” لما طلع في برنامجه “آدم شو” وقال لتامر مش كفاية عليك كدا بقا ولا إيه.. طلع لنا بشعر صدرك وقاعد تسبّل للبنات”.
“ادم” هاجم تامر اكتر واكد انه بيقدم أغاني تعبانة، ويعني إيه أكتر حاجة بحبها فيكي.. يا طيبة قلبك.وقال كمان إن اغاني تامر كلها إسفاف وأفلامه وحشة جدا، وهو اللي بيألف ويخرج ويعمل موسيقى تصويرية، وبيقطع تذاكر كمان.. يعني بيعمل كل حاجة أنت مغني ولا كوميديان ولا أنت إيه بالظبط؟ كفاية عليك كدا”.
احب فنانة شهيرة على المسرح
احمد آدم عنده سر رابع لما قال انه كان في علاقة مع فنانة اشتغلت معاه في المسرح، ومكنش من طرف واحد.
قال وقتها إن الست لما بتحب راجل بتعرف تجيبه.. مكنش في جواز لان مش كل حب لازم يحصل فيه جواز لان الجواز بيموت الحب.
الفنان الكوميدي قال ان الفنانة مطلبتش تتجوزه ولا هو عرض عليها الجواز لانهم مكانوش يعرفوا بعض كتير عشان يتجوزوا لكن كانوا بيستريحوا للكلام مع بعض.
