ما حكاية زوجة حارس المغرب ياسين بونو؟ هذا السؤال يسأله ناس كثيرة على السوشيال ميديا في الوقت الحالي مع انتشار الأخبار عن تعرضها للسخرية والهجوم من معجبات حارس المغرب بشكل كبير.
المعجبات اللي بيطاردوا ياسين بونو وصلوا بالهجوم على مراته على السوشيال بأنها قبيحة ومش حلوة.. لكن إيه هي قصتها؟ وإزاي طلعت شبه الفنانة ياسمين عبدالعزيز؟ واتصرفت مع الهجوم عليها إزاي؟.. تفاصيل كتيرة نكشفها في الفيديو ده.
كلنا شوفنا حارس المغرب ياسين بونو اللي تألق في مباريات كأس العالم وكان أبرز نجوم المغرب على مدار البطولة فقدر أنه يقصي إسبانيا بتصديه لركلات الجزاء في الدور ربع النهائي وكمان قدر يحافظ على مرماه من الأهداف قدام كريستيانو رونالدو وزملائه في البرتغال عشان يكون واحد من أبرز نجوم البطولة وأفضل حارس مرمى حتى الآن.
التألق اللافت لحارس مرمى منتخب المغرب خلى له معجبات كتير جدا.ز مش في بلده المغرب بس لكن في أماكن كتيرة حول العالم وبالتالي أصبح الناس بتدور على حياته الشخصية لغاية لما تم الاكتشاف أنه متجوز ومعاه ولد صغير من مراته.
لكن المعجبات مسسبنش مراته في حالها لكنهم دوروا لغاية لما وصلوا لحسابها على إنستجرام وواصلوا الهجوم عليها والسخرية منها مش بس كده لكنهم قالوا عنها إنها قبيحة ومينفعش أنها تبقى شريكة حارس عالمي ووسيم زي ياسين بونو.
كانت أبرز الرسائل اللي جاتلها من معجبة بجوزها واللي قالت لها فيها إنها قبيحة وأن ياسين بونو أجمل منها ويستحق أفضل منها، في الوقت اللي أرسلت واحدة تاني ليها رسالة بتتهمها بيها أنها السبب في ضياع مستقبل ياسمين.. لكن مراة حارس المغرب واللي اسمها إيمان عملت اللي محدش يتوقعه.. وراحت أعادت نشر كل الرسايل اللي جتلها بتسخر منها عشان تأكد أنها مش مهتمة بالهجوم والسخرية ومستمرة في دعم جوزها خلال مشواره في كأس العالم.
التصرف ده أصبح حديث وسائل الإعلام العربية وإزاي زوجة ياسين بونو طلعت عاقلة وتقدر انها تسيطر على المواقف وخلى الناس كلها تسأل هي مين زوجة ياسين بونو.
وبالبحث تبين أن مراة ياسين بونو هي مغربية الجنسية ومن مدينة سطات وتدعى إيمان، وتبلغ من العمر 30 سنة يعني تصغره بسنة واحدة وكانت من المشاركين في مسابقات ملكات الجمال في المغرب، والتقت إيمان بياسين بونو لأول مرة في فريق الوداد البيضاوي، وبدأت بينهما قصة حب انتهت بالجواز سنة 2012.
بعد الجواز تلقى ياسين عرض من فريق أتلتيكو مدريد الإسباني ولكنها انتقلت للعيش معه في إسبانيا وأنجبت منه ابنهم الوحيد ودايما بتظهر معه في المباريات وتدعمه.. مش بس كده لكنها كمان بتظهر بدون مكياج لدرجة أن الجمهور ربط بينها وبين الفنانة ياسمين عبدالعزيز وأن فيه شبه بينهم كبير وتظهر للناس أن حقيقي وراء كل عظيم وناجح امرأة عظيمة.
