انفعلت الإعلامية ياسمين عز في برنامجها كلام الناس، وهاجمت محللي المُساكنة وكثرة الحديث عنها مؤخرًا.
وقالت ياسمين عز في برنامجها كلام الناس: إزاي بتحللوا المساكنة من غير جواز؟ ومين اخترع الاسم ده، والمساكنة واحد مش عاوز يتجوز واحدة قالها تعالي أنتِ هتبقي مراتي صدقتوه وراحت، ده تعريف مؤدب وبسيط، هناك تعريف محترم في تعريف آخر قليل الأدب مش هقوله، المساكنة قلة أدب، يعني اتنين مش متجوزين عايشين في بيت واحد مع بعض، ليه مكسوفين نقول معناها الحقيقي، ده مش عيب ده حرام وشتان بين العيب والحرام، وإهانة للمرأة، أين دينك، فين حقوقك؟ وكرامتك فين في موضوع المساكنة، أنا ذيكورست وبقولك ده تقليل من شأن المرأة
وأضافت: لا آراء في الدين والعقيدة ولا مساس بهم، المساكنة حرام، والدين مفيهوش آراء، إحنا في زمن بنقول يا رب استرنا والقيامة قربت، وأنا عمري ما اتكلمت عن الدين كل واحد يصلح نفسه، دين إيه اللي اديي فيه نصائح، الدين مفيهوش وجهات نظر ولا رأي، واللي معترض على كلامي وكلام ربنا فيه حيطة وتانية وتالتة.
وأردفت ياسمين عز: الصلاة فريضة والحجاب فرض ورأيكِ في الصلاة احتفظي به لنفسك قدام مرايتك وانتي بتركبي رمش قد مش الجبل، احنا في زمن اللي ملتزم بدينه زي اللي قابض على جمرة من نار، سيبونا نعمل حاجة لله وآخرتنا، لا تعبثوا في الدين وكلمينا عن آخر أعمالك أفضل، واللي معترض على كلامي يخبط دماغه في الحيط.
