قالت عنى كلام وحش ..سمعت كلام صحابها ونسيت مرمطى وتعبى معاها وطلبت منى أبعد عنها وأنا قولت حاضر .. هذا ما قاله عمرو سنايبر صديق البلوجر سارة محمد والذي كان يلازمها مثل ظلها ووقف جنبها ودعمها ووقف جنبها طول الفترة الصعبة التي مرت بها من بعد الواقعة.
سارة باعت زى ما إتباعت،ودوقته من كاس التخلى والخذلان،وقعوا فى بعض وعلاقتهم إتقطعت ..بعد ما كل السوشيال ميديا كانت بتحلف بيهم ..ومكانش بسيبها لحظة واحدة ..الوحيد اللى كان بيوصلها رسالة إن الدنيا لسه بخسر طلعش ميجيش من وراه خير!
إيه اللى حصل بين سارة وسنايبر ؟ليه طلع وقال كده؟إزاى الخلاقات بينهم وصلت إن العلاقة تتقطع؟واللى عمله فى سارة مش قليل بردوا ! علشان يركب التريند عمل فى سارة كده!معقول؟والغريب رد فعل سارة على كلامه.. وخطيبها اللى قاله كان مفاجأة للكل!
الكل كان مستغرب وجود عمرو سنايبر فى بيت سارة..وبيظهر معاها فى كل الفيديوهات من أوضة نومها ومن على سريرها ..ويمكن من صعوبة الواقعة الللى مرت بها سارة ،الناس قالت سبوها فى اللى هى فيه ربنا يكون فى عونها..
والناس بتسأل نفس سؤال خطيبها ..فى إيه أبوها صمم على كتب الكتاب علشان خطيبها يشوفها ويدخل ويخرج عليها بشكل رسمى وفى إيه صديقها سنايبر قاعد جنبها على السرير فى أوضة نومها زى ما كان بيطلع معاها فى الفيديوهات !
خلاص مبقاش لا هيقعد معاها 24 ساعة فى البيت ..ولا هيظهر معاها تانى زى ما طلبت منه .. سارة طردت عمرو من البيت .
عمرو سنايبر الساعات اللى فاتت فاجئ الجمهور بكلام غريب جدا وقال :أنا عمرو سنايبر معرروف الحمد لله قبل ما أتكلم على حد .
سمعت كلام صحابها ونسيت اللى عملته عشانها ..نسيت تعبى وبهدلتى معاها ،قالوا عنى بستغل المرض علشان المشاهدات ،وإنى شخص أهم حاجة عندى السوشيال ميديا ..بس الوحش لما تساعد حد ويقول عنك أسوأ الأشياء وكلام كتير .
والأصعب إن الشخص ده صدق الكلام ورجع لحياته القديمة ومش هوضح أكتر من كده! أقنعوها إنى موجود بس علشان التريند،نسيت كل الحلو اللى عملته علشانها وطلبت منى أبعد وأنا قولت حاضر ..أنا مش بتخلى عن حد وأتمنى محدش يفتح معايا الموضوع ده تانى .أنا اتظلمت وإتأذيت بسبب الموضوع ده ..وربنا ما يكتبها على حد ويتظلم ويا بخت من بات مظلوم .
من بعد ما نشر عمرو سنايبر كلامه ده والسوشيال ميديا أتقلبت ..وحصل حالة من الجدل والكل مستغرب كانوا كويسين وزى السمن على العسل،والحقيقة عمرو كان مهون على سارة كتير الفترة اللى فاتت .
لكن سارة فى أخر ظهور لها ردت على الكلام ده وقالت:أنا أتأذيت من أقرب الناس ليا حتى فى مرضى ..وبنهار فى اليوم 100 مرة لكن انا راضية بكل اللى حصلى. أنا إتعرضت لمواقف كتير مكتنش اتوقعها،ده اول يوم نفسيتى تبدأ تتظبط..أنا مريت بضغط عصبي كبير أثر على نفسيتى وأعصابى.
بطريقة غير مباشرة سارة وجهت رسالة وأكيد كانت تقصد سنايبر وقالت:بعد أذنكوا إى حد بيحاول يدخل فى حياتى ويجى بيتى ويستغل أن أهلى مش موجودين،وبيتحركوا علشان يقولى حاجة ده مش مقبول ،دول أهلى وأنا مش هسمح لحد إنه يتجاوز حدوده معاهم.
أما خطيبها حس إن حقة أبتدى يرجع ،وكان رده على الازمة اللى حصلت بين سنايبر وسارة “ولنصبرن على ما أذيتمونا وعلى الله فليتوكل المتوكلون”.
الحقيقة إن الزن على الودان أمر من السحر..وسارة الفترة اللى فاتت سمعت كتير لكل اللى حواليها سواء فى علاقتها مع خطيبها وإنها تسيبه أو مؤخرا علاقتها مع سنايبر.لكن فى الاول والأخر كل واحد ينام على الجنب اللى يريحه واللى شايفينه صح لحياتهم يعملوه ..لكن لسه فى غموض فى الازمة بينهم ياترى علشان التريند ولا فعلا أزمة كبيرة محدش يعرف تفاصيلها غيرهم؟ شاركونا فى التعليقات .
