الراجل بيكون وحش في رمضان.. هذا هو التصريح الجديد الذي أثار به بدر أو بدرية خلف جدل كبير على السوشيال ميديا الأيام الماضية في رمضان.
بدر اللي اتجوز وهو راجل والأغرب أنه بقى حامل كمان ومحدش عارف هو راجل ولا ست دلوقتي.. لكنه عمل دراسة وبقى بينصح الستات يعلموا إيه مع أزواجهم.
إيه اللي عمله بدر خلف المرة دي بعد ما لبست العباية بتاعة رمضان وكمان في الشهر الكريم.. كل ده هنعرفه في الفيديو ده.
طل طلته البهية على الجمهور بالإسدال.. بدر مبقاش بدر من ساعة حمله الأخير خالص ..بدر إتغير ومبقاش حد قادر عليه.. ودخل فى سكة كده ممكن يكون هو مش قدها ..بس قالك أجرب يمكن تظبط معايا والاهم من الشغل تظبيط الشغل !وإن مكانش بدر يعمل كده مين هيعمل؟
لدرجة إن بوستاته وصوره الأخيرة بقت غريبة و فيها إيحاءات بشكل كبير!حط نفسه فى حتة استشارى نفسي فى العلاقات بين الأزواج.. وهو أصلا اللى محتاج يستشير دكتور نفسي علشان يحدد حالته بالظبط إيه!
بدر خلف اللي أصبح فيه هجوم كبير على السوشيال ميديا بسبب تصريحاته أن الراجل بيبقى زي الوحش في رمضان وده بعد ما يقال عنه أنه اتحول لأنثى بعد جوازه وحمله الأخير كمان.
بدر ماشى فى محتواه بخطة فيها تسلسل رهيب! إرتباط ،جواز، خلفة، انفصال، وبعد كده جواز تانى، ويمكن يكون جواز تالت رابع كمان.. ما هو مبقاش وراه حاجة ولا بيعمل حاجة غير إنه يتجوز .. ولاقى إن المحتوى المناسب لحالته الاجتماعية لازم يكون للكبار فقط!
بدر نشر الساعات اللى فاتت نشر فيديو قلب السوشيال ميديا ..وزى ما يكون خلص محتواه..وفكر يطلع للجمهور إزاى بموضوع يناسب الشهر الكريم ..قالك مفيش غير إنى إتكلم عن رغبة الراجل فى العلاقة، وأنصح البنات إزاى يستفيدوا من رمضان! وقال :كونى أول إنسانة تعطينه حب، تعطينه مشاعر ..إستفيدى حبيبتى من رومانسيته فى شهر رمضان!
وعلى طريقة ياسمين عز ..بدر خلف مشى..وبيعلم البنات إزاى تدلع أزواجهم،وعمل دراسة خاصة به فى الدلع للرجالة ..نفس دراسة ياسمين عز كده للموضوعات الخاصة بالرجالة وسماه دلع الفطور..وده اللى هيجنن الرجالة ويخليهم ميشفوش غيركوا! ما تيجوا نشوف نصايحه اللى هتوديهم ورا الشمس!
أول ما الأذان يأذن ..متشربيش لا طبعا ..إنتى هتكملى صيام لتانى يوم ..المهم الفرعون الكبير تشربيه بإيدك وعينك فى عينه..أهم حاجة! .. ياحرام الرجالة بيتعبوا فى الصيام.. ومبيصدقوا يوصلوا البيت ..فدور الست هنا بقى أنها تهتم بيه.
الغريب إن قبلها بمفيش ..نشر بدر فيديو لزوجه الجديد وهو بيديله بالقلم على وشه.. بعد وصلة دلع ورومانسية منه! فكده هنشووف تصريحاتك نستعجب ..نشوف اللى بيحصلك نتصدم!
الجمهور بقى فى حيرة ومش عارف يلاقيها من ياسمين عز ولا من بدر خلف اللى محدش عارفله نوع راجل ولا ست؟
