1500 جنيه كانت السبب أن أب وأم يسيبوا عيالهم الـ 5 في المحكمة في عز البرد: واقعه حقيقية حصلت في محكمة بمحافظة البحيرة أبكت كل من سمع عنها.
ليه سابت الأم عيالها؟ وراحوا فين بعد مسابتهم؟ وليه الأب ماخدش هوا عياله ؟ دى كلها أسئلة هنجاوب عنها في الفيديو ده، كملوه للآخر .
في البداية إحنا حابين نعرفكم إن القصة درامية جدا، بس إحنا حابين نعرضها عليكم للاستفادة منها وناخد منها عبرة.
الحكاية بدأت من داخل محكمة بمحافظة البحيرة لما راحت واحده ست تطالب بنفقة لأطفالها الخمسة من جوزها أو اللى كان جوزها وسابها، بس قرار المحكمة والحكم كان صعب قوى على الست، الف ونص بس نفقة للست وعيالها الخمسة، الست سلمت أمرها لله، وقالت هتتعدل وتمشى.
لكن إزاي الزوج حب يكمل عليها، ورفض يدفع الفلوس ولا يلتزم بالحكم، وميل عليها وقلها “اتسجن ولا ادفعلك جنيه”، ويا حول الله، هنا الست فاض بيها وقامت سايبه عيالها في المحكمة ومشيت، ، ماهى مش عارفه تعمل ولا هتصرف على العيال ازاى بالألف ونص دول.
فى التفاصيل، كشف موقع المصرى اليوم ان المحكمة حكمت للست ب الف ونص بس نفقة لأولادها من جوزها، وطبعاً لان المبلغ قليل جدا على الـ5 عيال، الست معرفتش تعمل ايه ولا تتصرف إزاي ومن كتر ما صعبت عليها نفسها سابت العيال ومشيت، ، ماهى مش عارفه تعمل إيه ولا هتصرف على العيال إزاي .
اتضح أن الست كانت شايلة من جواها كتير ومعبيه من جوزها، كانت متجوزاه من ١٦ سنه وبعد الجواز على طول اكتشفت ان الزوج ما بيصرفش على البيت نهائى لا هى ولا على عيالهم، بس هى عشان تمشى الدنيا كانت عامله مشروع تربية فراخ ومع الظروف الصعبة اللى إحنا فيها دي مقدرتش تكمل فى المشروع، ولما وقف بيها الحال رفعت قضية على جوزها وطالبت بنفقة لعيالها، وحصل اللى حصل ده.
الست بتستغرب ليه الزوج عمل كده، مع أن المحامى بتاعها أثبت أن مرتبه بيعدى الـ10 آلاف جنيه في الشهر، لكن هو أثبت قدام المحكمة أنه بياخد 3 آلاف جنيه بس، وعلشان كدا حكمت المحكمة بالمبلغ القليل ده، واللى في النهاية هو مدفعوش أصلا.
لما حاولنا نعرف مصير العيال وهما راحوا فين بعد ماسابهم أبوهم وأمهم في المحكمة ومشيوا، اتضح أن كان فيه محامى موجود عنده قضية في المحكمة ولما شاف العيال والمنظر صعبوا عليه جدا، وقام مستأذن قاضى المحكمة واخدهم هوا عنده لحد مايشوف أي حل ودى مع الأهل دول.
المحامى طلع وقال في تصريحات تلفزيونية، أنه لو مكنش خد العيال معه، كانت المحكمة هتحول العيال على النيابة واللى كان ممكن توديهم دار رعاية وحاجة آخر مرمطة.
هنا تبقى قصة الفيديو أنتهت، بس عندنا رسالة ليكم ولكل أب وأم، ياجماعه متخلوش أي خلافات بينكم يوصل نتيجتها لولادكم، حرام، حافظوا على عيالكم، دول نعمه من ربنا ليكم.
