البلوجر الشهيرة أم سليم دخلت على زوجها “جبس” وجدته يخونها مع واحده أجنبية، وصورت كل هذا صوت وصوره، وفى الاخر بعدما قالت في حقه كلام كثير، قال لها أن الست التى ظهرت معه هي زوجته التانية.
مين هي أم سليم ومين هوا زوجها جبس اللي قالبين الدنيا على السوشيال ميديا ؟ .. هل اللى حصل بينهم ده حقيقى ولا مجرد شو عشان التريند ؟ .. كل ده وأكتر هنعرفه مع بعض في الفيديو ده.
بوستات كتير على فيس بوك بتتكلم عن واحده أسمها أم سليم وجوزها “جبس”، الكل بيقول أنها بلوجر شهيرة على السوشيال ميديا قفشت جوزها وهو بيخونها وصورته صوت وصوره، ونشرت الفيديوهات بتاعته على فيس بوك بوك عشان تعرف الكل خيانة جوزها وتحذرهم منه.
أم سليم وعلى حسب كلامها اللى قالته على صفحاتها على السوشيال ميديا، فهى كانت حاسة من فتره بخيانة “جبس” ليها، عشان كان متغير معاها وبيعاملها معامله مش ولابد، هي فضلت تتابعه ولقته بيروح عمارة جنبهم على طول وبيفضل فيها وقت كتير.
قررت أم سليم أنها تشوف جوزها بيدخل أي عماره في الشقة دى وبيعمل ايه، وعملت كده بالفعل، بس اللى حصل واللى شافته أم سليم زعلها جدا، أم سليم قفشت جوزها وهوا معاه واحده غيرها، قاعدين في وضع مخل بأوضة النوم، هي صورتهم صوت وصوره، زعقت معاه وسابته ومشيت، ولما مشيت نزلت الفيديوهات بتاعتهم على صفحتها على السوشيال ميديا، ومن هنا الموضوع طلع تريند وكل متابعينهم دلوقتى بيتكلموا عنه.
هل الموضوع حصل بجد ولا قاصدين ياخدوا التريند ؟
في البداية خالص أغلب الناس كانت فاكرة أن اللى حصل ده عشان التريند، وان عمر متزوجه تصور زوجها في وضع زى ده، الناس كانت فاكرة أن الحكاية للشهرة فقط والتريند، خصوصا أن أم سليم وزوجها “جبس” دول عندهم صفحات كبيرة بيعملوا عليها فيديوهات كتير كل ماتجيب الفيديوهات دى مشاهدات هما ياخدوا من وراها فلوس كتير.
ماهوا مش معقول واحده تصور جوزها كده ومعاه واحده، وأيه دي نزلت الفيديو وكل الناس شافته، بس اللى حصل بعد كده كان على غير المتوقع تماما.
“جبس” مطلعش خاين، جبس طلع راجل معدد، متجوز أكتر من واحده يعنى، والست اللى مراته الأولى قفشه معاها، الست دى طلعت مراته التانيه، هي أجنبية وبتنطق عربى مكسر بس هوا بيحبها قوى ومتجوزها من غير ما أم سليم تعرف أنه عامل كده من وراها، هي أصلا مكانتش هتوافق أكيد.
“جبس” طلع من قيمة كام ساعه كده في فيديو على صفحته على فيس بوك، نشر فيديو قال فيه كل الحقيقة من وجهة نظره، قال أن عمره ما كان خاين ولا بيعمل حاجه عيب وحرام، قال ان الست اللى أم سليم قفشته معاها، الست دى مراته التانيه وهى للعلم بقى بتحب أم سليم جدا وبتخاف على زعلها.
وبعد ما جبس قال كل الحقيقة من وجه نظره، طلب من أم سليم أنها تسامحه وغلطها أنها ما ادتهوش فرصه أنها تسمعه لما قفشته مع الزوجة التانية، كان شايف أنها لازم تسمع منه قبل ماتتكلم عليه وتشك فيه .. انتم رايكم ايه في حكايتهم ؟
