الفراشات تكسو جسمها، جسمها كله لونه أزرق .التاتوهات تغطيه بالكامل من رأسها لرجليها ،عيونها البياض لونه أسود ونن العين لونه عسلى ..عكس طبيعة البشر كلهم!
مش هتقدر تفرق هى بلسانين ولا لسان واحد ومفصول ،ودانها عبارة عن حلقان ..حلمة ودانها مش باينة من كترهم ..وعلشان لوك الرعب يكمل ويبقى على أكمل وجه قررت أوريلان تصبغ شعرها ألوان الطيف السبعة..وتخرم حواجبها ومناخيرها من كل إتجاه ..ده غير صورها الجريئة بزيادة ..والجمهور بيسأل ومستغرب أمال لو حلوة شوية كانت عملت إيه! عليه العوض ومنه العوض ..
مش هتقدر تفرق بينها وبين القط بتاعها فى الرعب!.مش بس كده وعلشان تبان زى الشيطان عملت سنانها باللون الأحمر وانيابها طويلة ..وتبصلها تحس إن الصورة الذهنية عن الشيطان متجسدة فى اوريلان ..
تخيل إن أوريلان كانت بنت طبيعية جدا وجميلة ..وحالها إتقلب مرة واحدة والسبب صادم،فياترى إيه اللى حولها كده؟ليه عملت عمليات تجميل بالطريقة الغريبة دى ..اوريلان مسببة حالة من الرعب والصدمة لكل جمهور السوشيال ميديا ومحدش عارف مين دى ولا بتعمل كده ليه .
الطبيعى إن لما حد بيعمل عملية تجميل ،وبيكون هدفه أو هو معتقد إن هيبقى أحلى يعنى يصغر مناخير ..يكبر شفايف أيا كانت العملية إيه بغض النظر عن النتايح هتكون إيه!
لكن تدخل العمليات وتطلع حد تانى وإنت قاصد تبقى بالشكل ده! لا ده الرعب بعينه!..يعنى العملية مفشلتش؟لا خالص اوريلان هى اللى قررت تخلى شكلها كده ..وتخلى الجمهور يقطع الخلف من منظرها المستفز للبعض بردوا …
اوريلان بنت عندها 23 سنة ،لسه صغيرة خالص ..وده يخلينا نسأل سؤال إجابته هى الحكاية الأساسية ..إيه اللى مرت به أوريلان فى حياتها يخليها تغير ملامحها بالشكل ده..أكيد عاشت حياة صعبة ومؤلمة ..أكيد مرت بصدمة فى حياتها خلتها إتقلبت مرة واحدة كده ..مش هتصدق !
أوريلان حياتها كانت عكس كده خالص ..بالعكس عاشت طفولة نموذجية وزى ما الكتاب بيقول فى هيوستن فى أمريكا ،عاشت طفولتها بالطول والعرض ومتعرضتش لأى طرق أو أساليب فى التربية تكون السبب فى ده ..ولكن !
أوريلان مرت بتجربة عاطفية ،ودخلت فى علاقة توكسيك!وده العادى تقريبا مفيش حد مدخلش فى علاقة مع شخص توكسيك،ومش من الطبيعى إن بعد الإنفصال كل حد يعمل فى نفسه زى ما أوريلان عملت كده وإلا كان زمانا كلنا زومبى ولا شياطين ..ولا إيه؟
لكن ده السبب فعلا..أوريلان فى واحد من لقاءتها التليفزيونية قالت إنها مش بتحب شكلها من وهى صغيرة ..وإنها إتربت وسط أهلها وكانوا بيحبوها جدا وداعمي
لكن العلاقة السامة اللى دخلت فيها..هى السبب فى إن طريقة تفكيرها تتغير كده!، وعلشان تنسى قررت تعمل كده فى نفسها..وعملت عكس اللى كان الشخص ده رافضه فيها فى شكلها ..اللى هو سبتنى طيب أهو ! الحقيقة الجمهور مش عارف مين بالظبط اللى كان توكسيك فى العلاقة دى !
تفتكروا ده السبب فعلا ؟ولا ممكن تكون أوريلان مريضة ومحتاجة تتعالج ،وبدل ما كانت تقبل على خطوة تغيير شكلها بالطريقة دى،كانت الأولى تتعالج من العلاقة التوكسيك اللى مرت بها! شاركونا برأيكوا فى التعليقات ..
