معه مليارات ومن أغنى أثرياء العالم ورفض يشتري لإبنه أيفون تخيل؟ كام واحد يحسد أولاد رونالدو على أبوهم ويقول أكيد عايشين فى عز ومدلعين ولو لبن العصفور وطلباتهم أوامر .. لكن الحقيقة غير!
هتتصدم لما تعرف إن مانع عن ابنه جونيور الأيفون ورفض يشترهوله و5 حاجات تانيين هتتفاجئ لما تعرفهم ..
الحياة مش وردية لحد .. واللى الناس متخيلاه عند أولاد رونالدو هيلاقى إنها متاحة له ،ومش متاحة لإبن أغنى لاعب فى العالم .. وفى لحظة هتلاقى جونيور بيتمنى يكون من عامة الشعب وزيه زى أولاد كتير فى سنه .. فهل فهلا الفلوس مش كل حاجة؟
جونيور معهموش موبايل ولا أيفون زى ما البعض معتقد إنه أكيد معاه احدث الموديلات.. وبكل صراحة رونالدو هو اللى صرح بكده علشان خايف على إبنه إنه يستخدمه كتير ويأثر عليه وقال:
كل شوية إبنى يسألنى أنا ليه مش معايا موبايل زى كل اللى معاهم وفى سنى ؟ وبيطلب منى اشترى له واحد ولكن أنا فى كل مرة برد عليه وأقوله كل شئ بأوانه
مش بس كده قال إن الجيل الجديد متقدم عننا كتير فى كل حاجة لها علاقة بالتكنولوجيا،و لكن مش هنسمح لهم بأن تتحول لهوس يسيطر عليهم. مفيش مشكلة إن نستخدم الموبايل فى حياتنا ولكن مش طول الوقت ..
أول مرة طلب جونيور من رونالدو أيفون كان مع حوالى 5 سنين بحجة إنه يكلمه ويتواصل معاه”،ولكن رونالدو قاله لما تحب تكلمنى كلمنى من تليفون جدتك ..
رونالدو مش بيرفض من باب الرفض ولكن هو زى أباء كتير عايز يعلم أبنه إن من كل حاجة يطلبها مجابة وبسهولة مش بس خايف إن ينشغل به ويلهيه عن التمرين والدراسة..
ووقتها كان سنة صغير ولكن رغم إنه كبر شوية وكمل ال 14 سنة تقريبا ولكن بردوا لسه مجابش له الأيفون اللى نفسه فيه..
الغريب بقى إن صحيفة The Sun البريطانية نقلاً عن إحدى الدراسات الحديثة، قالت أن معظم الأطفال في سن السابعة في المملكة المتحدة عندهم موبايلات ،وتسعة من كل عشرة صغار عندهم أجهزتهم الخاصة لما بيكملوا 11 سنة ..
ياريتها جت على قد التليفون بس .. رغم شهرة رونالدو وجورجينا على السوشيال ميديا ولكن جونيور ملهوش نصيب من الشهرة دى وملهوش أى حسابات على السوشيال ميديا وكل اللى موجود مش رسمى ..
ومن ناحية الأكل بقى .. فجونيور ممنوع من أكل الحلويات والشوكولاتة.. وده حفاظا على صحته خاصة إنه بيلعب كرة قدم ولازم يكون له نظام عذائى سليم ماشى عليه طول حياته..مش بس كده مانع عنه المشروبات الغازية وشايف إنه يشرب مية أفيد وأحسن له.
جورجينا بقى دايما تنصحه إنه ميخرجش مع بنات ولا يصاحبهم إلا لما يقولها ويحكى لها عنهم وتتعرف هى بنفسها عليها وتوافق غير كده لأ وده اللى صرحت به جورجينا فى سلسلتها الشهيرة أنا جورجينا وده مش تسلط منها على قد ما خوف عليه..
.
رأيكوا ايه فى الطريقة اللى بيربى بها رونالدو أولاده وهل كان ممكن تتخيل إنه يمنع عن جونيور أبسط الحاجات دى ؟ شاركونا فى التعليقات.
