المصريين يشرفوا بلادهم فى أى مكان في الخارج،ومثلما توجد بعض التصرفات منالمصريين بالخارج التي تزعجنا فإنه يوجد نماذج تستدعي الفخر بها ، وهذا مافعله 3 أشقاء مصريين في الكويت .
لما يتقال إن 3 أخوات عايشين فى الكويت ،وإتربوا وكبروا وإتعلموا فى الكويت لا وكمان حفظوا القران الكريم وإتكرموا..دى لوحدها رسالة واضحةعن العلاقة الطيبة بين الشعب المصرى والشعب الكويتى .
إيه حكاية ال3 أخوات دول ؟وإزاى أتكرموا من الكويت وعاشوا ةكبروا فيها؟وليه هيمشوا من الكويت السبب غريب.
فى الساعات اللى فاتت إنتشر الفيديو ده على السوشيال ميديا،وحظى على تفاعل ونسبة مشاهدة عالية جدا،مش فى مصر بس لكن كمان فى الكويت وأغلب الدول العربية .
الل3 اخوات المصرييين الى عاشوا أتربوا وكبروا فى الكويت كان رسالة واضحة وصريحة طول ما إنت ملتزم بقوانين البلد اللى مغترب فيها هتتعامل زيك زى المواطن الكويتى بالظبط. هتتعلم زيه،وتتكرم زيه لو تستحق التكريم ،وده اللى حصل فعلا مع ال3 أخوات دول.
ال3 أخوات المصريين دول إتكرموا من جمعية منهاج الصالحين الخيرية فى الكويت بمنطقة الفردوس،فى الحفل السنوى لتخريج 300 متسابق كويتى من مختلف الأعمار حفظوا القران الكريم تلاوة وتجويد بدعم كبير من قبل الامانة العامة للأوقاف والمؤسسات الحكومية.
رئيس مجلس إدارة جمعية منهاج الصالحين الخيرية – عبد المحسن مخلد المطيري قال إن المسابقة تعتبر استكمالا لجهود الامانة العامة للأوقاف ودورها الرائد إقليميًا وعالميًا في خدمة القرآن الكريم وتخريج الحفاظ المتميزين من أهل القرآن الكريم ورعايتهم والمحافظة عليهم والاستفادة من خبراتهم في هذا المجال.
وإن المسابقة دى هى التانية من نوعها السنادى ،وعدد المسجلين والمتقدمين في الأولى 223 وفي الثانية 450 متسابقًا ومتسابقة، بإجمالي عدد 673 في مستويات المسابقة كلها.
المطيري قال أن عدد المكرمين بالمستوى الأول (القرآن كاملا) 50 حافظًا وحافظة، وفى المستوي الثاني (نصف القرآن) 50، وتم تخصيص 200 جائزة عينية ونقدية لباقي المستويات، وذلك في فرعي المسابقة الرجال والنساء
عبد الرحمن وعمر ومصطفى مصريين أب عن جد،عايشين طول عمرهم فى الكويت،إتولدوا وعاشوا فى الكويت،لحد ما وصل الكبير فيهم عبد الرحمن لسن لازم ينزل مصر ويكمل دراسته هنا.
عبد الرحمن قال إنه ختم القران الكريم،وفى الصف التاسع ،وحصل فى دراسته على نسبة 99.8%،وإنه زعلان جدا إنه خلاص اخر سنة له فى الكويت وقال للأسف أنا بودع الكويت أتولدت هنا وإتربيت هنا وعشت هنا حياتى كلها هنا وإنه هيشتاق للكويت ،وإن من أحلامه يدخل كلية الطب جامعة الأزهر فى مصر،وقال شكرا للكويت شكرا لكل اللى قدمتوه لنا.
أما عمر الأخ الأوسط قال إنه حفظ نص القران الكريم ،وإنه فى الصف السادس ،وحصل على نسبة 99.5
،ومصطفى الصغير عنده 8 سنين ،فى سنة تالتة إبتدائى وتفوق فى دراسته بمجموع 100 وحفظ 8 أجزاء.
وتعليقات الجمهور على السوشيال ميديا كانت كلها دعوات للأخوات دول، وقد إيه فخورين بهم وباللى حققوه فى الغربة،اللى بالنسبة لهم مكانتش غربة زى ماقالوا كده.
شعور حلو إنك لما تكون الإسم مغترب بس قاعد فى بلدك التانى ،إنت مش كويتى ولكن تتولد وتتربى فى الكويت وكإنك واحد منهم مفيش فرق بينك وبين زميلك الكويتى مش فى قوانين بس ولا قرارات ،لا زيك زى الكويتى فى العموم.. شاركونا برأيكوا فى التعليقات شايفين كلام ال3 اخوات دول صحيح وإنتوا بتحسوا نفس إحساسهم؟ وبتزعلوا فعلا لما تسيبوا الكويت وتنزلوا مصر سواء نهائى او أجازات.
