عندها أزمة رضاعة مع مولودها الأول وحزينة على ما يحدث معه.. ردها كان مفاجئ للجميع عند الحديث عن زواجها للمرة الثانية.. حكاية البلوجر روح مع أزمة رضاعة ابنها نوح.. ومفاجأة عن زواجها وعلاقتها بأبو ابنها.. يا ترى ما الحكاية؟.
إزاي البلوجر روح كانت حزينة وهي بتولد ابنها؟.. هل أبوه السبب في اللي حصل؟.. وايه اللي عملته عشان تتخطى الأزمة اللي حصلت ومعرفتش؟.. هل هتتجوز تاني؟.. كل ده وأكتر هتعرفوه لما تتابعوا معايا الفيديو للآخر.
كلنا عارفين إن البلوجر روح ربنا كرمها بمولودها الأول من حوالي أسبوعين كده.. وده حصل في وقت كان كل صاحباتها موجودين معاها ومفيش واحدة فيهم قصرت دعموها نفسياً عشان تبقى مبسوطة ومتخافش بالذات إن دي أول تجربة ليها.
لكن مع كل ده كان في حزن وزعل عند البلوجر روح محدش عارف سببه وده اللي اتضح بعد الولادة إن في أزمة رضاعة مع مولودها.. الحكاية دي اتكشفت لما واحدة من المتابعين بتوعها سألها عن موضوع الرضاعة ده.
السؤال في حاجة زي دي حصل بسبب إن روح وهي بتستعرض حاجات ابنها في شوية حاجات مش هتعرف تستخدمها وفي نفس الوقت مش هتعرف تديها لحد عشان عليها اسم ابنها وده بسبب إنه مش بيرضع طبيعي.
ولما اتسألت ليه كان جوابها إن الموضوع مش بمزاجها وهي حاولت كتير جداً مع أخصائية رضاعة طبيعي وفشلت أخدت دوا وحاولت بالشفاط الكهربائي وبردوا مفيش فايدة.
روح شايفة إن ده نصيب ابنها وعي رضيت بحكمة ربنا بالذات إن لبن الرضاعة كان لبن زعل ومش حلو عليه.. لكن زعل البلوجر روح كان من إيه محدش عارف.. كمان اتسألت عن حقة الرئة دي وخدتها ولا لأ بس طلعت متعرفش عنها حاجة وبالتأكيد كل حالة ولادة بتختلف عن التانية.
البلوجر روح اتكلمت عن جوازها للمرة التانية وشايفة إن الموضوع ده في الأول والآخر نصيب ولو جه النصيب مش هتقول لأ لكن دلوقتي ابنها كل حياتها واهتماماتها ابنها هو راجلها زي ما قالت ومش عاوزة راجل غريب يشارك ابنها فيها.. هي راضية ومرضية ومش عاوزة حاجة تانية وربنا يقدرها وتعيش العمر كله ليه وميكونش في حياتها أي حاجة تتعبه.
المفاجأة بقى عن علاقة روح بأبو ابنها والحقيقة هي شاطرة وذكية إنها قادرة تحافظ على الود اللي بينها وبين جوزها السابق عشان في بينهم ولد صغير محتاج ليهم هما الاتنين.
قالت وانا أعمل مشاكل ليه مع ابو ابني هو من حقه يشوفه ويتصور معاه ويعيش كل اللحظات الحلوة ويكون ليه معاه ذكريات وفلسفتها في كده إنها مش عاوزة ابنها يطلع معقد أو عنده مشاكل نفسية وكمان ابنها ملهوش علاقة بالمشاكل الخاصة بتاعتها.
روح رجعت شغلها من تاني واتبعتلها رسايل كتير عشان تتواصل مع الناس اللي بيربطها شغل معاهم وده بتعمله في فترة نوم ابنها أو وهو ساكت مش محتاج وجودها جنبه.
البلوجر روح دلوقتي عندها رضا غير طبيعي بكل حاجة ربنا يكتبها عكس الأول كانت بتعترض على كل حاجة ابتلاء معين مشكلة تحصلها وتحس الدنيا جاية عليها لحد ما بقت تشوف ناس مش بتتحرك من مكانها ناس عندها ابتلاء أكبر ناس ربنا مدهاش الخلفة طول عمرهم أو حد فقد أهله وهكذا يعني بتبص للي بيحصل لناس حواليها وتقارن ولقت إن ربنا ليه حكمة في كل حاجة ولازم نرضى بالمكتوب.. ودي مرحلة السلام النفسي اللي وصلت ليها.. ربنا يخليلك نوح يا روح وتشوفيه زي ما بتتمني وأكتر.
