حكاية غريبة لفنانة شهيرة تزوجت من الجان..لن تتخيل من هي!

تزوجت من خادم للجان وحملت منه، شيخ لحقها في النهاية وعرفها حقيقته، فنانة مغمورة عاشت بدايات حياتها في فقر وعندما ابتسم لها الحظ تزوجت خادم للجان، تعالوا نعرف الحكاية من البداية.

بطلة التقرير ده فنانة من الجيل القديم، اتولدت سنة 1898 لأسرة فقيرة جدا، يادوب بتلاقي أكل يومها بالعافية، أبوها كان صياد ويادوب شويه السمك اللى كان بيجيبهم كانوا بيكفوهم أكل اليوم.

كلامنا عن الفنانة الأسطورية لطيفة نظمى، اللى لازم قبل ما اقولكم اللى حصلها مع الجن، لازم الأول تعرفوا قصتها وهى لسه عيله صغيرة، لطيفة بسبب الفقر والجوع ماكملتش تعليمها، بس قررت تثقف نفسها وتعرف الدنيا عن طريق المجلات القديمة اللى كانت بتاخدها من أي حد يقابلها، ومن شطارتها دى عرفت كام لغة غير العربية، وده اللى ساعدها بعد كده أنها تدخل عالم الفن، وطبعا عشان تدخل الفن كان لازم عليها تسيب بلدها في دمياط وتروح للقاهرة، بلد الفن والغناء وقتها.

الفنانة لطيفة أول ماجات القاهرة سكنت عند خالها، وخالها ده كان على قد حاله بردوا، راجل فقير وعنده 40 عيال، يعنى الدنيا كانت زحمة قوى عنده، وهى شافت كده بنفسها فقررت انها تسيبهم بعد كده وتشوفلها سكن تانى على قدها.

لأجل حظها يادوب عدى يوم عليها في السكن الجديد إلا ولقت بالصدفة إعلان في الجرنال أن الفنانة عزيز عيد بيدور على فنانات للعمل معه في مسرحية جديدة، فقدمت وكانت من المقبولين، وخلاص كده مزاجها بدأ يحلو والفلوس بدأت تلعب معاها وقررت تحب وتنحب، وكان حظها في جارها في السكن الجديد، وهوا شاب قابلته مرتين على السلم، بس من أول مره شافته وهى حبته.

الشاب اللى قابلته الفنانة لطيفة ده كان مفهمها أنه دكتور بيشتغل في المستشفيات، مستشفيات أيه بالظبط محدش يعرف، هو كان شاب غريب الأطوار جدا، مابيظهرش إلا بالنهار واستحاله كانت تشوفه بليل، دايما حجته في كده أنه شغال في المستشفى، بس هي حبته واتجوزته.

في مره من المرات غاب الشاب ده لفترة طويلة جدا، بدون سبب ومن غير مايقولها، فقررت الفنانة لطيفة انها تكسر درج مكتبه اللى دايما مفتاحه كان معاه هوا بس، وأول ماكسرت الدرج لقت مجموعة ورق عليها ما يشبه الطلاسم وأوراق عليها رسومات غامضة جدا، وقائمة بأسماء نساء وعناوينهم.

الغريب أن الفنانة لطيفة لما حبت تكلم النساء دول، عرفت أن كلهم أنتهت حياتهم الفترة اللى فاتت وكلهم في ظروف غامضة جدا، من هنا الرعب سيطر عليها على الاخر وحست أن فيه حاجة خطيرة في الموضوع، فقالت لواحده صاحبتها اللى حصل معاها، صحبتها دى نصحتها أنها تروح بالورق اللى لقاته والطلاسم لشيخ يشوف لو فيه في الورق ده حاجه، الفنانة لطيفة أول ماورت للشيخ الطلاسم أتخض منها، وقالها أن صاحب الطلاسم ده لجان مؤذ، وعرفها أنه من الصنف اللى مابيظهرش إلا بالنهار وخوفهم كله من الليل وسواده، وده اللى كان بيحصل مع زوجها بالظبط.

بس الكلام مكنش على هواء الفنانة لطيفة، كانت بتكذب كل اللى بيتقالها، مش مصدقه أن جوزها جان، وجان شرير كمان، فا راحت تتكلم مع الفنان يوسف وهبى لأنها كانت بترتاحله جدا وبتثق فيه، ويوسف وهبه أول ماعرف بالموضوع راح بلغ الشرطة، اللى وصلت في النهاية أن الشخص ده مختل عقليا، ده على حسب كلام الشرطة وقتها، وأنتم عارفين ان الشرطة مبتعترفش بالظواهر التانيه دى، لا جان ولا خلافة، بس أنتم مصدقين .. صح ولا أيه ؟

المهم أن الفنانة لطيفة بعد ماعرفت بكل التفاصيل ده للأسف أصيبت بأزمة نفسيه حاده وراحت فيها.

دى نهاية التقرير، هل حد فيكم كان يعرف قصة الفنانة لطيفة وجوزها اللى من الجان ولا لأ، لو شباب اسألوا اهاليكم أكيد هيكون عند حد فيهم معلومة، واللى يعرف القصه فيكم يكتب في التعليقات يعرف أيه عنها.