بدر خلف حامل بالأسبوع الخامس فى شهر رمضان الكريم، كم مرة سمعنا جملة أنه بدر خلف حامل، فهل هذا صحيح، وكيف يحدث ذلك وهو في الأصل رجل!؟
لا إزاى حمل وهو منفصل عن زوجه اللاعب الشهير فهد القحطانى؟لا خلى بالك ما هو كان نفسه يتجوز بالسر وياخد بيت بعيد وخلف بيبى صغير والعريس إما سودانى أو عراقى ؟أهو يمكن إتمناها ونالها ..مفيش كام يوم إلا وأمنيته أتحققت! يا سلام لو كل اللى نتمناه نلاقيه بالسهولة دى!
إثارة الجدل عند بدر خلف بقيت زى الهوا والمية كده،ميقدرش يعدى يوم إلا ويكون عامل قلق على السوشيال مييديا بصوره وتصريحاته الغريبة بزيادة ..يعنى إيه راجل يمر بكل حاجة البنت بتمر بها، ويتجوز ويخلف وبنفصل ويخلف تانى ..دماغنا عملت إيرور من تصرفاته .
بدر خلف عمل اللى بنات كتير معملتهوش فى وقت قياسى.. وأنجز مراحل كتير فى مفيش ..إيه حكاية حمله المفاجئ ده..يكونش كان متجوز فى السر وبيجيبها للجمهور واحدة واحدة كده ،على الهادى يا زبادى!
بدر خلف شكله بيعمل الحاجة فى الأول ،وبيدارى على شمعته،وبعدين ينورها فى وشنا ..فلما قال نفسه يتجوز فى السر بعد إنفصاله ..شكله كان عامل العاملة دى فعلا ..ولما حدد جنسية العريس وكان محتار بين العراقى والسودانى ،شكله كان إختار واللى كان كان .
وده لما قال إن وراء كل أمرأة عظيمة نفسها.. وقرر إن زوجه الجاى هيكون عراقى أو سودانى حسب ما يلاقى بقى ،،وإستغرب ليه بنات السودان مش مقدرين جمال شباب السودان، وقال انا امنيتي احب سوداني كفايه تبذير بالنعمة..
واللى كنا خايفين منه حصل ..بدر إتجوز سودانى فعلا،وبقى بيتابع المسلسلات السودانية كمان، طبعا أمال لازم يدور على حاجات مشتركة بينه وبين زوجه.. والموفى نايت بتاعتهم تكون سودانية من الدرجة الأولى ..وده كان باين جدا لما نشر مقطع من مسلسل سودانى وعلق المسلسلات السودانية السنة دى تفوز ،قاعدة بتابع المسلسل ده ..
وده طبعا بعد نشره لصورة الجنين فى السونار ،وعلق الحمد لله يارب طلعت حامل بالأسبوع الخامس باركولى يا بنات ..واخدين بالكوا البنات بس اللى تبارك “يعنى بما إنه بقى منهم فيهم يعنى وزيتهم فى دقيقهم “.
بدر أكتشف بالصدفة إنه حامل.. وكمان مكانش عامل حسابه خالص ..بس من كام يوم كده قال بدرية “هو بيقول على نفسه كده ” إطمنوا بدرية بخير جالها هبوط”
تعليقات الجمهور :كانت ما يمكن حامل إنتى دايما يا بدرية بتتعبى بالحمل كده ..إتمنى لو الخبر صح ،
ومن هنا بدر مكدبش خبر، وعرف هيثير الجدل إزاى كعادته،وقرر إنه يطلع للجمهور ويقولهم إن سبب التعب ده إنه حامل .. مفاجأة مش كده؟
عوض ربنا مفيش أحسن منه ..زى ما يكون ربنا عوضه ..سبحان الله طليقها خد منها إبنها ضناها ،ورزقها بحمل على طول،وده لما نشر فيديو تمثيلى مؤثر جدا الحقيقة وهو فى عز تألمه وصدمته من الخبر وقال حسبى الله ونعم الوكيل ربنا راح يجبلى حقى ..تاخد ضنايا من ليش ..وطبعا كان جنبه سبت الغسيل بزقه رماه علشان الحبكة تبقى درامية من العيار التقيل..بدر خلف مش هيجبها لبر وشكله كده عجبه حياته وهو متقمص دور البنات،إيه فى حياة البنات يخليه يحبها متعرفش..ده اللى كل البنات بيسألوه وبيضربوا كف على كف من تصرفاته! تفتكروا بدر خلف عايز إيه بردوا بعد كده اللى بيعمله ده! وحامل فعلا ولا هيطلع بالونة زيه زى المعالم الأنثوية عنده؟
