تصدر فيديو العروسة مغصوبة تريند منصات التواصل الإجتماعي خلال الساعات القليلة الماضية، حيث ظهرت عروسة من كفر الدوار بفستان خطوبة رفقة عريسها أثناء الفيرست لوك داخل سنتر تجهيز العرائس، وهي حزينة وبملامح غاضبة، حتى أنه لقبها رواد مواقع التواصل الاجتماعي بالعروسة المغصوبة.
ومن جانبها تجاهلت العروس الفيديو المتداول تماما ولم ترد عليه؛ وكشف مصدر مقرب انها في حالة سيئة منذ نشر الفيديو على السوشيال ميديا ولم تتوقع انها ستصبح تريند.
وقال محمد الملاوي، عريس كفر الدوار، وبطل فيديو العروسة المغصوبة، في تصريحات صحفية؛ مكنتش متوقع كل المشاهدات اللي حققها الفيديو ولا التريند، وهي الميكب أرتست اللي نزلت الفيديو ومكنتش عايز الموضوع يوصل لكدا خالص، ومش عايزين الفيديو يتنشر أساسًا، وصاحبة العريس هي اللي طلبت تنشر الفيديو.
عروس كفر الدوار
وتابع محمد الملاوي، عريس كفر الدوار، الذي ظهر برفقة عروسته بالكوافير وهي بملامح وإيماءات حزينة، العروسة مكنتش زعلانة، ومكنش في زعل ولا حاجة، واللي الفيديو كان عادي، وهي كانت فرحانة وعاملين خطوبة ومسرح، والخطوبة كانت أول إمبارح،
وأضاف محمد الملاوي، عريس كفر الدوار، وبطل فيديو العروسة المغصوبة، الخطوبة صالونات ومكناش نعرف بعض قبل كدا، ومعنديش تعليق على كلام الناس اللي بتقول العروسة مغصوبة، وأنا مش بيشغلني كلام الناس، والعروسة لسه معايا، وأنا مزعلتهاش في حاجة.
