إنت تعرف أن الحرم المكي و الحرم النبوي حدث فيه بعض التعديلات سنة 1953، هذه التعديلات نقلت الحرمين لمنطقة أخرى وهذا كان بفضل واحد من كبار المهندسين المعمارين المصريين.
بس مين المهندس ده؟ وإيه التعديلات اللي عملها في الحرمين؟ والتعديلات دي اتكلفت قد إيه؟ وليه رفض رفض ياخد ملايين والجنيهات من السعودية؟
خلاص كل سنة وانتوا طيبين بمناسبة عيد الأضحى، دولقتي مئات الآلاف من المسلمين في السعودية لأداء مناسك الحج، لكن أنت تعرف أن أي حاج أو معتمر وقت زيارته لبيت الله الحرام لازم يدعي للمهندس محمد كمال إسماعيل ويذكره بكل خير
من هو محمد كمال إسماعيل؟
بص يا سيدي، بحسب جريدة الأهرام، محمد كمال إسماعيل واحد من أكبر المهندسيين المعماريين اللي أعماله موجودة لحد دلوقتي زي مسجد المرسي أبو العباس ودار القضاء العالي ومجمع التحرير وكتير من الأعمال التانية اللي قدر أنه ينفذها بعد ما بدء ما أتولى مسئولية قسم العمارة والتصميمات التابع لمصلحة المباني في وزارة الأشغال.
لكن يعتبر أهم عمل للمهندس محمد كمال، هو شغله في الحرم المكي و النبوي وده بعد ما أدرك الملك فهد بن عبد العزيز اللي كان ملك السعودية في الوقت ده قيمة المعماري المصري الموهوب.
وعشان كده استدعاه سنة 1953 وكلف بإعداد تصميمات خاصة بخصوص توسعة الحرم النبوي والإشراف على عمليات تنفيذه.
ودي كانت أكبر عملية توسعة للحرم من قرون، ده كمان بعد 5 سنين كلفه بعملية تانية وهي توسعة الحرم المكي الشريف على مساحة 20 ألف متر مربع، يتقسموا على دورين وجزء من طابق الخدمات الموجود تحت الأرض.
وبعد كده كلفه بمشروع توسعة البقيع أشهر مدافن العالم الإسلامي اللي موجود فيه عدد كبير من الصحابة.وبسبب المشاريع اللي نفذها في السعودية حصل على جايزة التفوق في العمارة من منظمة المؤتمر الإسلامي، واللي سلمهاله الملك فهد شخصيًا.
وعشان كده كل حاج ومعتمر وزاير للحرمين الشريفين بيذكره بكل خير وامتنان ، وده بسبب التوسعات الكبيرة اللي عملها في الحرمين
بس ياترا حجم التوسعات دي كانت إيه؟
الحرم النبوي زادت مساحته بمعدل سبع أضعاف، من 14 ألف متر لـ 104 ألف متر مربع، أما الحرم المكي فزادت مساحته من 265 ألف متر لـ 315 ألف متر مربع.
أما بالنسبة لمنطقة الخدمات اللي تحت الأرض في الحرم المكي فهي دلوقتي بقت جراج وبتسيع 5000 عربية.
ده كمان المهندس محمد كمال إسماعيل كان أول اللي غطا الحرمين بالرخام الأبيض وده عشان ميتأثرش بحرارة الجو هناك ، وكل ده كان تحت إشرافه من أول التوسعات مرورا بالمظلات و التكيفات، اللي سهلت مناسك الحج على ملايين المسلمين.
وبحسب المهندس محمد كمال، العمود الواحد اللي بيشيل مظلة الحرم عبار عن عمود مفرغ من جوا و من بره متغطي بالرخام لما المظلة الواحدة بتتفتح بشكل أتوماتيك بتغطي مساحة 24 متر ودي مساحة كبيرة جدا.
أما بالنسبة لتكلفة كل التوسعات دي فهي كلفت 18 مليار دولار
نسيت أقولك أن المهندس رفض أنه ياخد الملايين اللي اتعرضت عليه مقابل توسعة الحرمين، وقال لو خدت فلوس على الحرمين إزاي هواجه ربي، وده كان قبل وفاته سنة 2008 عن عمر 99 سنة
ودلوقتي قولنا سمعت عن المهندس محمد كمال إسماعيل قبل كده؟
