قصه ولا في الخيال لشخص سعودي يبحث عن أمه المصرية منذ 32 سنة، أمه التي حرم منها طوال حياته بسبب خلاف بينها وبين والده السعوديوطوال هذه الفترة كانت تظن الأمر أن إينها حياته انتهت.
ايه الحكايه .. إزاي أبتعد الإبن عن الأم طول الفتره دي ؟ وإزاي الأم كانت فاكره ان ابنها انتهت حياته وهو في الحقيقة عايش ؟ .. كل ده واكتر هنعرفه مع بعض في التقرير التالي:
الواقعة اللى هنتكلم فيها النهاردة وهنعرضلكم تفاصيلها أقل ما يقال عنها أنها حكايه ولا فى الخيال، فوجئنا امبارح أن فيه شخص سعودي بيقول أنه بعد 32 سنه من افتقاده لأمه أخيرا عثر عليها وطلعت سيدة مصرية من أهالينا الكرام.
اللى حصل وزي مابيقول السعودي تركي خالد سنيد، بطل حكايه فيديو النهارده أنه حُرم من أمه وهو عيل صغير عنده 4 سنين لما أمه كانت في زيارة لمصر بتزور اهلها ووقتها حصلت مشكله بينها ومع أبيه، فقرر والده وقتها أنه يطلقها ويرجع السعوديه من غيرها، وحصل كده فعلاً وفضل تركي عايش مع أبوه لفتره معينه لحد ما ربنا افتكره وبعدها راحت عاش مع جدته من أبيه، وطول الفتره دى أمه كانت فاكره أن حياته انتهت زي ماقال لها أبو تركي بعد ما أخد الواد وسافر من فتره.
اللى حصل بقى وخلى فيه تطورات في القصه دى ان تركي بعد ما كبر وفهم يعني أم، حاول يدور عليها ويسأل هي فين وعرف أنها ست مصريه، بس ماكنش عارف مكانها، وهنا قرر ينزل مصر يدور عليها وفضل بالفعل فترة طويلة على الحال ده يلف من محافظه لمحافظه في مصر ويسأل عليها وبردو مفيش اي نتيجه لحد ما ربنا كرمه واحد قاله يروح السفاره السعوديه في مصر يسأل فيها، وفي السفارة كانوا متعاونين معاه جدا زي ماقال في خبر لموقع “سبق” السعودي.
المهم أن في السفارة جابو ليه كل الورق اللى كان يخص والده هنا في مصر، وطبعاً كان ضمن الورق ده إسم والدته بالكامل وعنوانها بالتفصيل، ووقتها هوا اخد العنوان وراح عليه بالفعل، بس للأسف ماحصلشى نصيب أول مرة وفضل يدور لحد ما غلب وقرر يرجع السعوديه.
بعد مارجع السعوديه بفتره فوجئ باتصال من السفارة السعودية في مصر بتقوله أنهم لقوا عنوان جديد لوالدته ووصولها بالفعل وهي أكدت ليهم أن كان ليها ابن سعودي، وهنا قرر الشخص السعودي انه ينزل تاني لمصر ويقابل أمه، والحمد لله قابلها فعلاً زي ما أنتم شايفين كده وهما دلوقتي مبسوطين جدا وفي غاية السعادة.
لحد هنا ونكون وصلنا لنهاية الفيديو واخر التفاصيل اللى نعرفها في الواقعة، وفي النهاية وقبل مانقفل حابين نعرف أنتم مبسوطين زينا للأم المصريه دي ولا لا ؟، وهل حد فيكم مر بتجربة مشابهة ليها ؟ لو فيه حد مر بتجربة مشابهه أو يعرف حد مر بيها ياريت يكتب لينا في التعليقات ونعرفها منه.
