عمرو دياب عندما حب أتن يتحدث عن ليفل الوحش في الفرح والانبساط، ضرب المثل على الرجل الذي ولد وفي فمه ملعقة ذهب، هو سلطان بروناي
عمرو دياب في أغنية الحفلة غنى وقال «أحلى بنات في الكون حواليا.. تقولش بقيت سلطان بروناي»، والناس طبعا سألت مين سلطان بروناي ده اللي بيتضرب بيه المثل، وأصلا مين الناس دي وإيه حكايتهم؟
مبدئيا كدة سلطان بروناي حسن البلقية ده اتجوز أربع مرات وعنده 12 عيل، وثروته فوق الـ30 مليار إسترليني، البلد اللي هو عايش فيها مساحتها 5700 كيلو متر مربع، ولكن هو شخصيا عنده مزرعة في أستراليا مساحتها 5800 متر مربع يعني أكبر من البلد نفسها.
عموما بروناي نفسها كانت مستعمرة بريطانية ونالت استقلالها في التمانينات، ومكنش ليها أهمية لحد ما بدأ اكتشاف النفط والغاز وبقى معاهم فلوس، والكلام ده كان في مطلع القرن الـ19.
اليابان احتلتهم شوية وقت الحرب العالمية التانية، وبعدين رجعت بريطانيا تاني وبعدين اتفقوا على إدارة ذاتية، وبعدين خدوا الاستقلال التام سنة 1984.
سلطان بروناي حسن البلقية تم إعلانه سلطان لبروناي سنة 1967 وتم تنصيبه سنة 1968، وبعد إعلان الاستقلال سنة 1984 عين نفسه رئيس وزرا وفي 1991 ونصّب نفسه مدافع عن الدين، ورئيس وزارتي الدفاع والمالية، وقيادة القوات المسلحة، وأدميرال شرفي في الأسطول الملكي.
صحيفة “ديلي ستار” البريطانية قالت إن السلطان حسن بيملك 7000 سيارة وطائرات خاصة وقصر ضخم، ومن كتر فلوسه دفع في مرة حوالي 15000 جنيه إسترليني على قصة شعر.
إلى جانب كده عنده طائرة خاصة مطلية بالذهب من طراز “بوينغ 747″ التي تبلغ قيمتها حوالي 350 مليون جنيه إسترليني، فيها مغسلة ذهب ونوافذ وطاولات مبطنة بالدهب ومقاعد جلدية وإضافات أخرى بقيمة 100 مليون جنيه إسترليني بالداخل.
التقارير كمان كشفت إنه بيمتلك 365 سيارة فيراري، و275 لامبورجيني، و258 أستون مارتين، و172 بوغاتي، و230 بورش، و350 بنتلي، و600 رولز رويس، و440 مرسيدس بنز، و265 أودي، و237 بي إم دبليو، و225 جاجوار، و 183 لاند روفر.، وفي كلام إنه بيأجر العربيات دي ويكسب منها.
وطلعت إشاعة لطيفة مش عارفين بقى صح ولا غلط، إنه بيمتلك أكتر من نص عربيات فيراري اللي اتباعت بين 1990 و2000.
قصره”أستانة نور الإيمان” اتبنى سنة 1984، وهو مبني على مساحة 2 مليون قدم مربع، وهو أكبر مكان في العالم، حسب لموسوعة جينيس للأرقام القياسية، ومزخرف بقبة دهب عيار 22 وبيضم 1700 غرفة وخمس حمامات سباحة ضخمة و257 حمام، و110 جراج عربيات.
وفوق كل ده عنده حديقة حيوان خاصة فيها 30 نمر بنغالي وصقور وطيور وحاجات كتير، والقصر ده بتتقدر قيمته بـ1.3 ميلرا جنيه إسترليني.
