“بلاها فستان هلبس بدلة رقص” تقريبا هذا هو لسان حال العروسه التى نتحدث عنها في هذا التقرير، العروس التي قررت استبدال فستان فرحها ببدلة رقص ورد فعل العريس كان مفاجأة، تابعونا لمعرفة تفاصيل ما حدث.
مفيش كلام على السوشيال ميديا دلوقتي غير عن العروسه اللى فاجأت عريسها ليلة فرحهم ولبست له بدله رقص بدل فستان فرحها
مرة واحدة فوجئ العريس ان عروسته داخله عليها وبتخلع، خلعت فستان فرحها في ثانيه واتاري تحتية بدله رقص، قعد العريس متنح ومصدوم من اللى عملته عروسته، بص هوا ماتعرفش العريس مصدوم أنها عملت كده ولا مصدوم لأنها طلعت بتعرف ترقص، أيوه العروسه طلعت بتعرف ترقص حلو جدا، دي نقدر نقول عليها رقاصه، وعلى فكره فيه ناس فعلا قالوا عليها كده، شافوا أنها ممكن تكون كانت رقاصه قبل زوجها من العريس، والله أعلم هي كده فعلا ولا لا.
لأن مش معلوم بالظبط العروسه اسمها إيه ولا العريس نفسه اسمه ايه، ولا حتى واضح بالظبط هما فين واتصوروا فين بالظبط، كل اللى نعرفه أن أكيد العريس والعروسة دول من العرب لأن كان واضح فى خلفية الفيديو أنهم مشغلين أغنية “أنت عمري” لكوكب الشرق الست أم كلثوم والأغنية دي اللى العروسه رقصت عليها لعريسها وكل من كان فى قاعه الفرح اتفرج عليها وشافها وهي بترقص لعريسها.
الغريب أن كل اللى في القاعه ماحدش فيهم استغرب اللى العروسه عملته، ولا فيه حد عاب عليها نهائى، كلهم وقفوا يتفرجوا واظاهر أنهم كلهم مبسوطين ومنسجمين قوي في الرقص اللى بترقصه العروسه، وهي للامانه رقصت ولا اجدعها راقصة في كباريه، رقصت باحتراف شديد وعملت كام حركه كده من اللى تعرفهم في فنون الرقص، بزمتكم هي بتعرف ترقص ولا لأ؟ .. ابقوا قولوا رأيكم في التعليقات.
وعلى ما كل واحد فيكم يفكر في رأي يقوله هنكمل إحنا باقي الحكايه ونعرفكم بالي قالوه الناس على السوشيال ميديا، الناس اللى شافت الفيديو في الاول خالص، اصل الفيديو يعني وأول نشر ليه، والحقيقه الناس كان ليها ردود غريبه ومضحكه جدا في الموضوع ده، منها مثلا على سبيل المثال أن فيه واحد كتب أن “العروسه مش بس بسطت عريسها دي بسطت الشعب كله لما فرجته على رقصها، ده أكيد العريس ده هيتنغنغ ويتدلع في بيته”، وفيه اللى قال إن العروسه وفرت على العريس وبدل مايجيب رقاصه ترقص في فرحها قررت هي أنها اللى ترقص وتحي الفرح”.
وبعيدا عن الضحك والهزار فيه كام تعليق تاني كانوا جد على الواقعة دي ويستحقوا انكم تعرفوها، أهمهم أن ممكن دي تكون عادة أو ثقافة فى البلد اللى منها العروسه، أنها يعني تكون مش أول واحدة في بلدها تعمل كده ويكون فيه غيرها كتير، وفيه اللى قال إنها حاولت على قد إمكانياتها أنها تعمل حركه جديده في الفرح تبسط اللى فيه .. انتم رأيكم بسطتهم فعلا ولا ولا لأ ؟
