قال الإعلامي عمرو أديب، إن هناك جملة متكررة على مواقع التواصل الاجتماعي على الفترات الماضية متعلقة بالحديث «الإلهاء»، مشيرًا إلى أنه يرى موضوع الإلهاء غير حقيقي ولا يمت للواقع بصلة.
وأضاف أديب في تعليق خلال تقديمه لبرنامج «الحكاية»، والذي يعرض عبر قناة «MBC مصر»، مساء السبت، أن «فكرة الإلهاء انتهت منذ السبعينيات وقت الأستاذ هيكل لما مشي من الأهرام»، معقبًا: «الإلهاء بيكون لناس في حالة مرتاحة، هل في حد اتلهى ومش واخد باله من حرب روسيا وأوكرانيا؟ في حد مش واخد باله من غلاء الأسعار؟ وسعر البيضة والفرخة؟».
وتابع: «حد راح السوبر ماركت وعرضوا الأسعار عليه، قال له لو سمحت أنا ملهي، متابع الست اللي كلت دراع جوزها، محدش خد باله من الدولار؟ ده أنتم قاعدين للدولار قرش بقرش!».
وأشار أديب إلى أن المواطنين مشغلون الآن في موضوع واحد وهو «أكل العيش»، متابعًا: «يا جماعة اقعدوا مع الناس، أنا بقعد مع البشر كلها من تحت لفوق؛ من المديونير للملياردير، كلهم بيشتكوا، لكن في هنتريش بأجنحة محلق بيحاول يقنعنا إن في حد ملهي».
وتابع: «في ناس عاوزة تعيشك إنك في دولة بوليسية، خلصت اللهوة الأولانية خد اللهوة التانية، يا جماعة فوقوا من الوهم، في واقع الدولة والحكومة تعيشه، وعندنا مشكلة وعي وتعاطي مع الحياة الحقيقية».
