فيديو غريب وعجيب، لشخص يرتدي بدلة طيار ويرقص بها بطريقة غريبة، فهل يقصد الإهانة بتلك الحركات أم هناك سبب وراء رقصه؟
ده واد ولا بنت .. ولا حكايته ايه ؟ .. ليه بيعمل كده ولابس بدلة طيار ؟ .. كل ده وأكتر هنعرفه مع بعض في الفيديو ده .
في البداية كده إحنا بنعتذر عن بشاعة اللي انتم شايفينه ده خصوصاً أننا فى شهر رمضان المبارك، بس الفيديو اللي أنتم شايفينه ده منتشر جدا على السوشيال ميديا وعليه جدال كبير جداً، واحنا بدورنا جايين نعرفكم بيه ونحل الجدال ده.
على الجروبات المغلقة للطيارين والعاملين فى مجال الطيران تم انتشار الفيديو ده جدا، كلهم غضبانين وزعلانين من اللى بيعمله الشخص ده، لأنه على حسب ما ظاهر في الفيديو لابس بدلة طيران وعمال يترقص فيها، فا هما شايفين ان كده اهانه ليهم ولمهنتهم اللى المفروض أنها من أرقى المهن اللى الواحد يقدر يشتغلها، مش راجل ويترقص بالشكل ده.
وبخصوص الجزء التانى من أنه راجل أصلا، الناس على السوشيال ميديا واللى شافوا الفيديو ده شاكين أصلا فى ان الشخص ده راجل، ممكن يكون متحول أو أي حاجه من الحاجات الغريبه اللى بنشوفها اليومين دول، لأن وزي ما أنتم شايفين عمال يترقص ويعمل حاجات غريبه فى الاغلب مبتعملهاش غير الستات.
وبعيداً عن جروبات الطيارين والعاملين فى مجال الطيران، الفيديو ده انتشر بردوا جدا على تيك توك، والشباب الصغير عمالين يشيروه ويتكلموا عليه بطريقه صعبه جدا، الشباب زعلان من اللى بيعمله الشخص ده في الفيديو وحركات هز الوسط والرقص ده، وكمان زعلانين منه لأنهم فاكرينه طيار وليه هيبته وكده، وفيه ناس تانيه فاكراه ويتر في مطعم، لأن اللبس اللى لابسه مش موضح قوي هوا إيه بالظبط، يعني طيار ولا ويتر في مطعم ولا حكايته ايه بالظبط، دول مش متاكدين أصلا ده راجل ولا ست.
بس إحنا فى الفيديو ده جايين نحسم الجدل في كل الأسئلة اللى الناس شاكه فيها على الفيس بوك دى، ونعرفكم ده راجل ولا ست، وكمان طيار ولا ويتر في مطعم ولا بيشتغل إيه بالظبط.
لما الجدل زاد على السوشيال ميديا بخصوص الفيديو اللى لابس فيه بدلة طيار وعمال بيرقص فيها دي، حاولنا نتحرى عن الفيديو لحد ماوصلنا للفيديو الاصلى، أول ناشر للفيديو يعني لأنه منه هنعرف قصه الراجل ده إيه، واتضح أنه رجل واسمه ناصر جواد، وشغال مدرب رقص، بيعلم السيدات الرقص يعني، وليه أكتر من فيديو بشكل مختلف كلهم بيرقص فيهم، مره يلبس لبس طيار ومره بدله رقص عاديه، ومره كمان لبس فرعوني ويترقص، نوع من أنواع الدعاية يعني، عايز الناس تشوفه وينشهر.
وأبسط ياعم خلاص انشهرت جدا، بس الناس على السوشيال ميديا بتقولك ياريت تبطل اللى انت بتعمله ده، وانتم كمان اكتبوله في التعليقات رأيكم إيه فى اللى بيعمله ده، يمكن يشوفها .
