الكوفر… المعازيم اتلموا تهل هذا هو الثرى العربي الذي يقولوا علنه؟! الصراحة اما فعله مع العروسة جعل فرحهم تريند قلب مصر كلها
لكن المصيبة الأكبر في رد فعل المعازيم الذي بسببهم الناس تضرب كف على كف، وبيسألوا ماذا حدث للناس الناس جرالها إيه؟
فياتري مين الناس دي، وازي يعملوا كده قدام عريس بنتهم؟ للدرجة الفلوس لحست عقلهم زي ما الناس بتقول ولا السوشيال ميديا جت عليهم بزيادة؟
العروسة مصرية واسمها مروة، والعريس من السعودية واسمه عبد الله، وبسببهم حالة من الاستغراب والاندهاش سيطرت على السوشيال ميديا.
وده بسبب فيديوهات فرحهم اللي بدأت في الأول طبيعية بس بعد كده الموضوع خرج عن السيطرة.وفي البداية العريس كان بيلبس الشبكة لعروسته، واللي ظهر في الفيديو انه دافع مبلغ كبير اوي في شبكتها
بس عادي هتقول انه عريس مبسوط وعاوز يكوم عروسته، وده ممكن يحصل في اي فرح مصري عادي بس المشكلة بدأت لما العريس حب يوجب مع العروسة فقرر ينقطها بالفلوس، ومن هنا حصلت الصدمة
العريس رمي الفلوس من هنا وعينك ماتشوف الا النور: المعازيم فجأة بقوا على الأرض بيلموا الفلوس، وده اللي خلي الناس تمسك العروسة وأهلها وتبهدلهم آخر بهدلة.
وياريت اللي نزل يلم الفلوس العيال الصغيرة، اهو في الأول وفي الاخر هتقول شوية عيال عقلهم على قدهم، بس لما تركز في الفيديو هتلاقي في ستات كبار قرروا يشاركوا هما كمان ويزقوا في بعض وفي العيال عشان ياخدوا نصيبهم.
فهل تفتكروا العروسة زعلت من عمايل أهلها؟بالعكس خالص، ده الموضوع قلب معاها بنوبة ضحك وزي مانت شايف كدة الفرح كله كان مبسوط ومحدش عنده مشكلة خالص في اللي حصل ولا حد فكر إن المنظر صعب وميصحش، بس لما الفيديو نزل على السوشال ميديا الناس اختلفت:
منهم اللي قال عادي سيبوا كل واحد يفرح بطريقته، ومتركزوش مع حد الموقف عفوي واللي حصل حصل، بس في ناس تانية عابت على أهل العروسة اللي معملوش حساب لكرامة بنتهم قدام عريسها.
وخصوصا يعني لو كان العريس من دولة تانية، ساعاتها لازم نعمل حساب لمنظرنا قدام الشفوي التانية.
وفي طرف تالت مش موافق على تصرف العروسة وأهلها بس في نفس الوقت بيقولوا للناس بلاش تشيروا الفيديو وتكلموا عنه كتير لأن ساعتها الأزمة هتكبر والكل هيعرف:
ياريت الناس اللي منزلة الفيديو تحذفه ويراعوا شعور العروسة لما تشوف المصريين وهما بيبهدلوها في التعليقات.
ده غير بقى الناس اللي قلبت الموضوع هزار وضحك، ومستنين الثرى العربي هما كمان.وعلى فكرة، خلال السنين اللي فاتت، انتشرت ظاهرة مش بس زواج الخلايجة من المصريات، لأ ده كمان كمان زواج السعوديات من المصريين.
ومن سنة 2006، كشف مسؤول في لجنة الموافقة على الزواج بإمارة منطقة الرياض إن في طلبات متزايدة من سعوديات زي الطبيبات والأكاديميات للزواج من حرفيين وسائقين أجانب عايشين في السعودية.
وفي مأذون قال إن المصريين واللبنانيين والفلسطينين يمثلون النسبة الأكبر كأجانب متزوجين من سعوديات، حسب موقع العربية.
انا بقى ايه رأيك في اللي عمله اهل العروسة والمعازيم؟ ولو انت معزوم في فرح زي ده رد فعلك هيكون إيه؟
