فيلا ومرسيدس وشاليه في الساحل..قصة محمود حديدة والملايين

محمود حديدة من شاب فقير فى المناطق الشعبية لشاب غنى يظهر فى الساحل الشمالى الشرير، بعد أن كان شاب بسيط لا أحد يعرف عنه شئ.

دولارات وعربية مرسيدس كلها حاجات عملها من سنة واحدة فى شغلانته الجديدة .. ازاى حديد جاب كل الفلوس دى؟ .. وايه اللى ناوي يعمله الفترة الجاية ؟ .. كل ده وأكتر هنعرفه مع بعض فى الفيديو ده.

فى البدايه كده لازم تعرفوا أن أغلب المعلومات اللى جايه فى الفيديو من موقع “صدى البلد” الإخبارى، درجة صدقها وكذبها هما المسؤلين عنها لأن فيها كلام كتير عن محمود حديدة الشاب ابن المنطقة الشعبية اللى فى يوم وليله بقى من أشهر مشاهير الوطن العربى وبقى عنده على كلامهم فلوس بالكوم، خير من اللى قلبك يحبه، حديدة بقى عايش فى عز حرفيا.

السر فى غناء محمود حديدة والشهرة اللى عنده دى كلها نقدر نقول أنها جايه من اغنية الفنان الشعبى أحمد شيبه، شيبه قبل كده قال ” أه لو لعب يازهر” وتقريبا كده الزهر لعب فعلا مع حديدة، البخت والحظ اشتغلوا معاه، الشهرة والتريند بقوا يجروا وراه، منين مايروح حديدة تلاقى التريند وعشان كده اصحاب الفلوس والشركات الكبيرة والمصانع بقوا بيجيبوا حديدة يعمل ليهم إعلانات ودعاية، وكل ده طبعا ليه مقابل بياخده حديدة من الكلام ده.

حديدة اتنغنغ على الآخر من الفلوس اللى اخدها منهم وبقى عنده فلوس بالكوم زى ما ظهر فى الصور اللى عرضها موقع صدى البلد من شويه، حديدة بقى معاه فلوس كتير وراميها حواليه.

موقع صدى البلد بيقول أن حديدة مابقاش قصه فلوس وبس، ده بقى معاه عربيات وخير كتير، بقى عنده عربية مرسيدس موديل جديد، تمنها على كلامهم معدى الأتنين مليون جنية وشويه، اللهم بارك يعنى الله اكبر، حديدة قدر يعمل اللى كتير من الشباب مقدروش يعملوه فى حياتهم، فى عمرهم كله.

شباب كتير معاها شهادات وتعليم عالى وبردوا ماقدروش يعملوا نص اللى حديدة عمله فى سنه واحده شغل، والسر فى الشهره الواسعه اللى أخدها حديدة من أول السنة واللى خلاته بقى مطلب للمعلنين، كلهم بقى نفسهم حديدة يروح يشتغل معاهم ويعلن عندهم وبقى ياخد منهم فلوس كتيره عشان كده.

اوعوا تكونوا فاكرين ان محمود حديدة قصته أنتهت على الفلوس والعربية المرسيدس اللى جابها وبس، لا ده حديدة على خالص وبقى عنده شاليه فى الساحل الشمالى، أظن أنتم عارفين أقل شاليه فى الساحل الشمالى دلوقتى بكام، إذا كانت قزازه المايه دلوقتى هناك فى اوقات بتعدى الـ 250 جنية هيبقى الشاليه بكام بقى!

انتم متخيلين الخير اللى بقى فيه محمود حديدة والعز اللى عايش فيه، متخيلين يابتوع الشهادات والتعليم العالى، بزمتكم كام واحد فيكم يعرف يعمل نص اللي عمله حديدة فى سنه واحده بس زى ماهوا عمل ؟ .. الجدع فيكم يقول هو عمل فلوس كام السنه دى لحد دلوقتى، واللى ما عملش ده على الله حكايته، ربنا معاه بقى.