صورها منشرة بصورة كبيرة على مواقع التواص الإجتماعي، والكل يتحدث عنها ويريدوا أن يعرفوا أهلها ويتواصلوا معها، إنها سيدة مصرية تائهة في السعودية بعد أن كانت تؤدي مناسك العمرة، وهي في حالة خوف.
مين هي الست المصرية اللى الكل بيدور على أهلها ؟ .. وازاى سافرت السعودية لوحدها بدون فيزا عمرة ؟ .. كل ده وأكتر هنعرفه مع بعض في التقرير التالي:
الكل يركز ياجماعه وياريت لو تشيروا الفيديو ده، عشان ننقذ الست المصرية اللى تايهه من أهلها في السعودية وماحدش عارف يوصل لأهلها، الست لا حول لها ولا قوة كانت في العمرة من ساعات ومره واحده تاهت من اللى كان معاها.
وستر من ربنا واحد من أهل مصر الطيبين هناك كان بيعمل عمره ولقاها، بس هى خايفة قوى ومرعوبة لأنها مش عارفه توصل لأهلها ولا حد من عيالها، لا معاها تليفون ولا عنوان ولا أي حاجه حاجة تقدر توصل الناس بألها أو باللى كان معاها في العمرة، كل اللى نعرفه عنها أنها أسمها زكية على خضر، منين بقى من مصر محدش متأكد.
وعشان كده اللى لقاها دخل على طول على فيس بوك ونشر صورها على الجروبات والصفحات عشان لو أي حد يتعرف عليها وعلى أهلها ويصلها ليهم بالسلامه، ولحد ما حد يتعرف عليها اللى لاقاها أخدها على مكتب في شارع جياد بالسعودية وساب عنوان المكان لأى حد يعرف عليها ويطلع من أهلها.
الراجل بيقول انه لقاها ومعاش أي ورق، لا بطاقة ولا فيزا ولا أي حاجه خالص وعلى حسب كلامها معاها الست دى طالعه السعودية زيارة من غير تأشيرة عمرة والكلام دى، وده السبب أنها لوحدها مش مع فوج ولا حاجه، لو كانت مع فوج أكيد مكنش هيحصل فيها كده وكانت هتبقى مع مشرف وهيكون هو المسؤول عنها.
ستر من ربنا فيه واحده من اللى شافت صورة الست على فيس بوك اتعرفت عليها، وعلى حسب خبر موقع صدى البلد فا البنت اللى عرفه الحاجة زكية قالت أنها من القناطر الخيرية، وهى عارفه أهل الست كلهم وساكنه في نفس الشارع معاهم وهتروح لأهل الست تبلغهم أن أمهم تاهت في السعودية وتعرفهم بمكانها بالظبط.
ولحد ما البنت تروح لأهل الحاجة زكية ياريت اللى يعرفها فيكم وموجود في السعودية ولا حاجه يروح هو يشوفها ويطمنها لأنها زمانها قلقانه جدا ومحتاجه حد من أهلها يطمنها، وممكن كمان يكون فيكم يعرف هي كانت طالعه السعودية أصلا على مين، ممكن تكون طالعة على حد من أولادها ولا حاجه، فا اللى يعرف حد فيهم بردوا ياريت يكلمه بسرعه ويعرفه باللى حصل للحاجة زكية.
لحد هنا ونكون وصلنا لنهاية الفيديو ده، وبنوصيكم بحاجة، ياجماعه ياريت أي حد مطلع حد من أهله كبار السن السعودية ياخد باله منه مايسبوش لواحده نهائي خالص، لأن زى ما أنتم عارفين الحرم كبير وفرصه أن حد يتوه فيه كبيرة جدا.
