“مقبلش أكون زوجة أولى”كلمات تسببت في حالة من الجدل كبيرة جدا على السوشيال ميديا خلال الساعات الماضية، السبب فيها الكاتبة والمدونة ايه الغمري، والتى تحدثت عنها الاخبار والمواقع كلها فلماذا تسببت في حالة من الجدل؟ تابعونا من خلال التقرير التالي لمعرفة التفاثصيل:
زمان دلوقتى الرجالة مبسوطة لما شافت العنوان بتاع الفيديو، ماهوا ظاهريا كده شكل الموضوع في صالحهم، وفي نفس الوقت ممكن تكون البنات زعلانة، ماتستعجلوش يا جماعة خدوا حكمكم في الأخر بعد ما تسمعوا الفيديو ده للأخر وفى الأخر أكيد ها تفهموا القصة كويس.
الأستاذة ايه الغمرى طلعت بكام فيديو على صفحتها الشخصية على فيس بوك، تعرض فيهم رؤيتها الخاصة عن العلاقة الأسرية والزواج بين الراجل والست، وكان عندها وجه نظر ممكن الناس تشوفها غريبة شويه، وهى أن الزوجة الأولى في حياة الرجل مش أحسن حاجة، الزوجة الثانية هي الأحسن وعندها كل الصلاحيات والحاجات الحلوة.
وبررت على كلامها ده بنقط شرحتها في الفيديو، وبتقول أن شخصية الرجل ما بتظهرش أصلا اللى بعد 35 سنه، يعنى يكون الرجل أتجوز مرة على الأقل وفى طريقة أنه يتجوز كمان مره، وفى الفترة دى بتكون الزوجة الاولانيه في مرحلة تأسيس البيت وفى فترة في غاية الصعوبة معاها ومع البيت كله.
وهنا بقى بتيجى الزوجة الثانية تقش على الجاهز كل الحلو اللى عملته الزوجة الأولى والرجل طوال حياتهم الأولانية، وعشان كده هي شايفة أن مكانة الزوجة الثانية لذيذ جدا، وأهو تكون هي كمان أسست نفسها وبقيت على الرايق كده بلا كفاح وبلا تعب خالص، الكل يكون مبسوط وبس ويعمل اللى هو عايزة براحته.
بعد الكلام اللى قالته الأستاذة ايه الدنيا انقلبت عليها على السوشيال ميديا من باقى السيدات المصريات، واللى قالولها إيه انتى عايز رجالتنا تتجوز علينا ولا إيه وليه بتشعيهم أصلا يا أستاذة.
وده اللى خلى إيه الغمرى تطلع في فيديو تانى ترد فيه على الكلام ده، وتوضح رأيها الكامل بقى في القضية دى، وعملت فيديو مخصوص اسمه “مميزات الزوجة الثانية”
برنت أسكرين للفيديو هنا والمذيعه بتتكلم
هي شايفه أن الزوجة الثانية ليها مميزات كتيرة جدا، منها مثلا أن لها الحق في الحفاظ على حريتها تطلع تنزل براحتها غالبا الزوج مش هيسأل انتى رايحة فين ولا جاية منين، مش ها يدقق وراها يعنى.
كمان من ضمن المميزات دى أنها هاتحافظ على علاقتها بالرجل، يعنى هوا راجل وهى ست مش ملزمة بقى تكون أم ولا أي حاجه من اللى المجتمع بيبص ليها دى.
وزادت في كلامها وقالت إن الست التانية في حياة الرجل، تسمح لها انها يكون عندها حياه تانيه وأصدقاء وعمل خلافه، مش قاعده بس لتربية العيال والطبيخ وشغل البيت، وعلى فكرة في ناس وافقوها في النقطة دى.
المهم انها كلمت كلامها وقالت من مميزات الزوجة التانية كمان انها مش ملزمة خالص أنها تحضر أي مناسبة اجتماعية ولا فرح ولا خلافة، الزوجة الأولى بس هي المسؤولة من الكلام ده، وهى كمان اللى مسؤله عن تربية الأولاد وأنها تتحمل الراجل طول الوقت.
بكل بساطة هي شايفة الست التانية للدلع وبس، وعايز تنشر فكرها ده، وأن كل الناس تحب فكرة وجود زوجة ثانية، أكيد طبعا الرجالة مبسوطة، بس الأستاذة إيه بتوجه كلامها للسيدات، عايزاهم يحبوا فكرة الزوجة الثانية وأن ليها مميزات كتير، فهل أنتم مع رأيها وأن الزوجه الثانيه الأحسن ولا لا؟ .. اكتبوا رأيكم في التعليقات.
