لديه أسطول سيارات بمليارات ،من العربيات النادرة التى يركبها أولاد البشوات والذوات فقط! ظل طول عمره يشترى فى هذه السيارات ورفض يبيع منها رغم المبالغ التى عرضت عليه حتى حدث وباع لمحمد رمضان عربيتين منهم وهنا الدنيا قامت مقعدتش ولأكتر من سبب ياترى ليه؟
أمبراطور الإسكندرية رجل الأعمال ميشيل أّوحد ..متقالش عليه كده من فراغ! عمل أكبر جراج فيه أغلى واندر العربيات فى العالم مش فى يوم وليلة لأ!
مين ميشيل أحد ؟ وإزاى قدر يجمع كل العربيات دى؟ إشمعنا باع لمحمد رمضان تحديدا من عربياته ورفض يبيعها لأمراء عرب كتير أغنى وأشهر من رمضان؟ وإيه سر إصرار رمضان على شرا العربية اللى أحمد زكى كان بيتمناها ؟ كواليس وأسرار مثيرة بين ميشيل ورمضان هتعرفها لأول مرة فى الفيديو ده..
ميشيل أحد متولدش فى بقه معلقة دهب ! ولا لاقى نفسه فجأة رجل أعمال مشهور عنده كل العز والعربيات دى ..ميشيل بدأ من تحت الصفر ،وخد السلم سلمة سلمة وبقى يقع ويقوم ويعافر لحد ما بقى أسمه لوحده كفاية “ميشيل أحد”
ميشيل بدأ تاجر أدوات كهربائية على قده خالص فى محل صغير في شارع السبع بنات بمحافظة الأسكندرية، واحدة واحدة بقى صاحب توكيل ومصانع بتتشينو فى مصر!
بغض النظر عن النجاح اللى حققه ده ،لكن ميشيل من صغره عنده حب وشغف كبير جدا بالعربيات،زى صغيرين كتير ..وعمره ما نسى ولا إنشغل عن شغفه ده ،وفضل الحلم يطارده إنه يجمع كل إنواع العربيات الغالية والنادرة فى العالم وفعلا قدر يعمل كده!
وبدأ يشتغل ليل نهار ويحوش فى فلوس لحد ما ركب أول عربية فى حياته فى نص الخمسينات كده كانت ماركتها رينو!..
ومن يومها قرر تحقيق حلمه القديم باقتناء كل عربية تعجبه من الخارج لحد ما بقى عنده أسطول العربيات النادرة اللى مش موجودة عند أى ثرى فى العالم!ومش بس كده عنده عربيات متصنعه مخصوص له!ده غير إن الجراج بقى مزار الناس بتروح تتصور مع العربيات فيه.
الغريب إن شراه للعربيات مش منظرة ولا تبهى لأ..بيتعامل مع العربيات دى كإنها ولاده بالظبط!علشان كده لما أمراء أثرياء كتير عرضوا عليه مبالغ خيالية مقابل عربية واحدة كان بيرفض ومستحيل يفرط فيهم.. لحد ما الكل إتفاجئ إنه باع لمحمد رمضان عربيتن مرة واحدة!
فاكرين الضجة اللى حصلت من فترة لما محمد رمضان نشر صورته مع عربيتين لامبورجينى ورولز رويس ،وبيشكر ربنا على نعمه وإنه أخيرا حقق حلمه وجابهم مرة واحدة، محدش كان يعرف جابهم إزاى ومنين، لحد ما أكتشفنا إنه إشتراهم من ميشيل أحد.
العلاقة بينهم مش علاقة شرا عربيات بس لا، ميشيل ورمضان بقوا أصدقاء ونشروا صور لهم من أحد الكافيهات فى الإسكندرية وهم سهرانين مع بعض وفجأة اشترى منه عربيتن ورجع.
وسبب إصرار رمضان على شراء العربية الفيرارى دى تحديدا أنه عرف أن أحمد زكى كان بيحبها ،وكان دايما بيركبها مع ميشيل لما يروح إسكندرية وصور بها مشاهد من أفلامه ..علشان كده رمضان قرر إنه يحقق حلمه ويشترى العربية النادرة اللى ركبها أحمد زكى، وجايز يكون مكانش عنده فلوس كافيه يدفعها فى العربية.ده غير الشبه الكبير بينه وبين أحمد زكى وتقمصه لأدواره دايما.
السيارة الفيرارى اللى إشتراها رمضان ركبتها ليلى علوى من كام سنة كده أيام مهرجان الإسكندرية، وإنتشرت صور لها بأنها تتجول بعربيتها الفيرارى الأسبور فى شوارع الإسكندرية، وهى فى الحقيقة هى عربية ميشيل أحد.
ميشيل عنده ياخت كبير ،ودايما بيستضيف الفنانين فيه ..علاقته بالفن من زمان من أيام فريد شوقى ولحد محمد رمضان!
حفيدات ميشيل أحد متجوزين أحفاد طلعت مصطفى، وحفيدته من ابنته سوزي، إتجوزت بن رجل الأعمال، صاحب مزراع وادي فود ..
ميشيل بيحب يعيش اللحظة بلحظتها وعارف إن كل وقت له حلاوته..ويمكن ده اللى مخليه بالمستوى ده مش راجل أعمال تقليدى ..ورغم كل الثراء اللى فيه إلا إنه راجل متواضع وبشوش وعمل إسم الكل بيتكلم عنه وعن إنجازاته.
