الإسلام نشأ في بيئة مسيحية و انا قرأت كثير في القرآن وحفظت ايات سهلة، هذه كانت تصريحات الإعلامي اللبناني جورج قرداحي التي فتح قلبه و فاجيء جمهوره بكلامه عن الدين الاسلامي، وهو معروف انه مسيحي فكان من الغريب انه يقعد يحفظ ايات القران و يرتلها أيضا على الهواء.
جورج قرداحي بيحترم كل الاديان و فجأة جاله فضول كدا يقرا اكتر عن الاسلام و مسك المصحف في ليلة وقعد يقرا القران ومراته صحيت وشافته قاعد يقراه لكنها سابته يكمل و معترضتش عشان عارفة مدى فصول جوزها واكيد بيدور على حاجة معينة.
الموضوع مكنش مجرد قراءة للقرآن لكن جورج قرداحي بدأ يحفظ ايات سهلة و بسيطة من المصحف زي المسلمين مش بس كدا ده كان بيطلع يقولها في برامجه من غير ما يخاف من نقد او هجوم ممكن يتعرضله.
وطلع جورج في لقاء تلفزيوني و اتكلم عن حكايته مع الاسلام وقال : فيه تقارب كبير بين المسيحية والإسلام، الإسلام نشأ في بيئة مسيحية، وإحنا لو بناخد التاريخ المظبوط دي قناعاتي، وده مش معناه أني غيرت ديني لأني حفظت قرآن أو لأني بقى عندي إعجاب بالنبي وبالخلفاء والصحابة والتاريخ الإسلامي “.
هل أسلم جورج قرداحي؟
الاجابة لا ،، هو كان حابب يقرا و يتدبر في الاسلام زي ناس كتير بتوصل للمرحلة دي لكن بيفضلو على دينهم ، و جورج مازال مسيحي لكنه لقى حاجات حلو عجبته في الاسلام وقرر يعمل بيها لانه شايف ان كلها اديان تدعو للمحبة و السلام.
وفي فترة من الفترات طلعت اخبار كتير عن دخول جورج قرداحي الاسلام لكنه قال : حفظت ايات من القران واستخدمتها في من برنامجي من سيربح المليون، والناس تبنوني لأني دخلت البيوت، و ما بفرق بين مسيحي ومسلم، كنت بتكلم كإنسان عربي بيقدم برنامج للعرب مسلمين ومسيحيين.
ورد جورج قرداحي بشكل واضح وحاسم ان اعتناقه الاسلام وقال : الشائعة دي بتطلع عليا من زمان لما كنت أقدم برنامج من سيربح المليون، ولما كنت بتقديمي للبرنامج أتلوا الآيات الكريمة بشكل كويس وسليم، ومن خلال حفظي لكتير من الآيات الكريمة في القرآن، و الآيات دي اعتبرها منارة في الحياة، ممكن تكون منارة للمسلم وللمسيحي، ولأي انسان آخر..وشائعة اسلامي تكررت كتير ونفيتها، وبالنسبالي الديانتين بيكملوا بعض.
و فاجيء جمهوره وقال : دايمًا بقول في آيات حلوة حفظتها .. سهل تحفظ أيات من القرآن أسهل من قصيدة، وفي مرة كنت بقعد أقرأ القرآن لوحدي وزوجتي شافتني، الحشرية عندي خلتني اتطلع على الديانة الإسلامية بدون شيخ ولا مفتي وكونت فكرة عن الاسلام.
طبعا جورج قدر يحفظ بعض الايات السهلة و البسيطة من المصحف و قال عنها : آيات جميلة جدا تختصر الحياة، كل إنسان من أي دين لو حفظها بتلخص له مجلدات من الثقافة والفكر والأخلاق.
وفي لقاء قديم لجورج قرداحي رد عن موضوع اسلامه وقال انا مأعلنتش اسلامي ومفيش داعي اعمل كدا لان اللي موجود في الاسلام موجود في ديانتي المسيحية و لو اعتناقي الاسلام تهمة فانا بتشرف بالتهمة دي بس انا مازلت على الديانة المسيحية
وقال على الهوا ان ايات القران كلها لغة الاعجاز وكل كلمة ليها معني ومكان و سبب وسهل نحفظها من اول مرة ، و انا حفظتها عن اقتناع و حبا في النبي محمد
ومن كام سنة انتشرت صورة لجورج قرداحي مع شيخ الازهر الدكتور احمد الطيب ، ولما انسأل عنه قال انه بيحترمه وبيحبه وكل مرة بيسافر بمصر لازم يروح يقابله ويقعد معاه
لكن رغم كل المحاولات و الاجتهادات دي ،، فجورج قرداحي مازال على ديانته المسيحية لكنه محب للاسلام و بيدعو للتسامح دايما و بيدافع عن الاسلام بشكل منطقي و مقنع.
