مفاجأة عن مهر عروسة ولي عهد الأردن رجوة آل سيف

فرح ولي عهد الأردن الحسين بن عبدالله على عروسته السعودية رجوة آل سيف تصدر المشهد على السوشال ميديا والناس كلها تتكلم عنه.

طبعاً كانت مشغولين بالعروسة والكلام عنها ومحدش اتكلم عن الملك القادم وده اللي هنقولكم أسرار عنه في الفيديو ده.. هتعرفوا مهره لعروسته كام وهيعيش فين بعد ما كان أبوه وأمه الملك والملكة عايشين في أوضتين وصالة وحكايات تانية كتير.

حكاية المقابلة

حد يعرف إن لولا رفض رجوة آل سيف الشغل في شركات باباها المليونير السعودي خالد آل سيف مكانتش قابلت العريس.. بصوا هقولكم رجوة بعد ما خلصت دراسة الهندسة المعمارية في نيويورك واتخرجت راحت تتدرب في شركة بره وكانت متخصصة في التصميم الداخلي والديكور في الأردن عشان تقابل عريس المستقبل وفي مقابلة جمعتها بصديقة أردنية.

ودي كانت صديقة الأمير في الدراسة بردوا ولما شافها الحسين بن عبدالله عجبته وكلمة من هنا على كلمة من هنا خدوا تليفونات بعض في نهاية المقابلة وبدأوا يتكلموا لحد ما حسوا إنهم متفاهمين ووقع في حبها وبدأت قصة الجوازة الرسمي.

 السر في الشكولاته

طيب تعرفوا كمان إن الملك عبدالله التاني والملكة رانيا مكانوش هيتجوزوا أصلا وإن رانيا كانت رافضة عبدالله أكتر من مرة ولما عرف السر اللي ممكن يوقعها بعته مع صاحب مشترك بينهم، الملك عبدالله راح في زيارة لأخته بالعافية واللي كانت عزمته على العشاء ووقتها كان القدر مستنيه عجينه رانيا وطلبها للجواز رفضت عرف إنها بتحب الشكولاته بعتلها علبة بلجيكي ومع الوقت قابلها على الجبل.

واعترف إن جوائزهم هيكون أحلى حاجة هتحصله سكتت رانيا وطبعاً السكوت علامة الرضا لحد ما راح الملك حسين وخطبها لابنه عبدالله وبدأوا حياتهم في شقة صغيرة كانت أوضتين وصالة والملك عبدالله الثاني قال إن أسعد أيام حياته كانت في الشقة دي، لكن زي ما بيتردد إن الأمير الحسين ورجوة آل سيف صاحبة السمو هيعيشوا في قصر لوحدهم وده هيكون لفترة مؤقتة لحد ما يرجعوا يكون ليهم مكان خاص بيهم مع الملكة والملكة.

مهر رجوة آل سيف

رجوة آل سيف اتخطبت لولي العهد الأردني من شهور قليلة ووقتها الملك عبدالله الثاني والملكة رانيا راحوا السعودية عشان يطلبوها لابنهم البكري ووقتها الأمير قدملها خاتم خطوبة شيك معمول مخصوص ليها واتقال إن قيمته كانت 100 ألف يورو وده كان مهرها.

طبعاً مشوار السعودية ده تم بعد ما الملكة رانيا شافت العروسة في حفل عشا وعجبتها وكان أكتر حاجة ميزت رجوة آل سيف إنها فيها شبه من الملكة رانيا.. وكمان رجوة متواضعة وجميلة واخوات الحسين بيحبوها جدا وكلنا شوفنا اللي عملته الأميرة إيمان والأميرة سلمى وهما بيعدلولها الفستان بتاعها في الفرح.

معلومات عن الأمير

ولي العهد الأردني الأمير الحسين بن عبدالله عاش طفولة حازمة كانت مامته هي اللي مرتبة لكل حاجة وكانت بتحرمه من الألعاب وهو صغير وده كان نظام هي عاملاه يعني أي لعبة تيجي في عيد ميلاد أو الأعياد بس وكمان كانت بتخليه يخدم نفسه بنفسه من وهو عنده 5 سنين مفيش حاجة اسمها حد من الخدم يعملوله اللي هو عاوزه دي.

وكان الأمير ميعرفش حاجة اسمها دلع وكان الوحيد اللي بيشوف الدلع على ايده هو جده الملك حسين بس.. وتربية الأمير دي ساهمت إنه يكون شخصيته جد وعملية طبعاً ما هو هيكون الملك القادم للأردن ولازم يتربى صح عشان يشيل المسؤولية.