دنيا أصبحت سونيا وتحولت لملكة جمال،كيف حدث هذا؟، تمنذ عدة أشهر انتشرت صور كثةير لزواج شاب بسيط اسمه محمود وشهرته حديدة وواحدة بسيطة اسمها دنيا، وقتها صورهم انتشرت على السوشال ميديا ومعها كمية تعليقات مليئة تنمر ولكن ومع الوقت الناس أصحت تتعاطف معهم وناس بتبصلهم في رزقهم.
لما حديدة ودنيا عملوا تيك توك، بس الصدمة بقى إن صورهم بقت مختلفة خالص سواء حديدة أو دنيا، إحنا زينا زيكم كده مصدقناش إن الصورة اللي منتشرة دلوقتي هي نفسها دنيا، طيب إيه اللي عملوه بالظبط وشكلهم بقى عامل كده إزاي، وتفتكروا عملت تجميل عشان تغير ملامحها فعلاً والزهر لعب معاهم ولا إيه، طيب إيه حقيقة التحول ده أصلا؟ كل ده وأكتر هتعرفوه معانا في الفيديو ده.
جواز محمود حديدة ودنيا
محدش من اللي بيتابع فيديوهات التيك توك ميعرفش محمود حديدة ومراته دنيا وده بعد ما انتشرت صور لجوازهم من فترة قريبة كده ووقتها اتعرضوا لحملة من التنمر والسخرية من رواد التواصل الاجتماعي وبقوا تريند وقتها، والعروسين ظهروا سوا في البرامج والمواقع عشان يردوا على اللي حصلهم من تنمر، رغم إن ده عملهم شهرة كبيرة على السوشيال ميديا.
إيه الجديد اللي خلاهم تريند؟
من كان يوم كده حصل جدل كبير على مواقع التواصل الاجتماعي، ه بسبب انتشار صور لمحمود حديدة ومراته دنيا، وطبعاً الكل عارف شكلهم لأنهم بقوا من مشاهير التيك توك بعد جوازهم من فترة قريبة، الصور عملت صدمة لأن اللي نعرفه عنهم إنهم من قصر القامة.
واتعرضوا للتنمر والانتقادات بعد صور حفل زفافهم وده بسبب ملامحهم وطبيعة الأنف والعينين وده اللي عمل وقتها تعاطف من رواد مواقع التواصل الاجتماعي، بس اللي حصل ده بقى معملش تعاطف ده الناس عاوزة تعرف إيه اللي حول دنيا كده عشان بعد فترة من جوازهم نشوف مفاجأة في شكلهم الجديد يعني ملامح أجمل وملابس أحلى هتاكل منهم حتة وتسريحات شعر مختلفة، وده عمل صدمة وأسئلة عن سر التغير الكبير في الملامح والهيئة الجميلة دي.
تفسيرات الجمهور
طبعاً الجمهور مش ساكت وتاويلات من هنا على تفسيرات من هناك بس الإجماع كان على إن سبب التغير الكبير في الملامح ده عشان بقى عندهم فلوس كتير بعد الشهرة بسبب الظهور على حساباتهم الشخصية في تيك توك، وده اللي خلاهم عملوا عمليات تجميل، وفي ناس قالت لأ ياجدعان دي فلاتر بيستخدموها عشان تغيير الملامح وتعديل عيوب الوش وهات حبة تنمر من هنا على حبة حسد من هناك وبقوا متصدرين تريند مواقع التواصل كل يوم.
ظهور دنيا
دنيا مرات محمود حديدة لفتت الأنظار ليها بعد تعليقات الجمهور اللي قال دي بقت أجمل من وقت جوازها وده خلاها ترد وتقول: “هنزلكو تركيبة كوري أمي عملاها فوق السطح، وهي بتظغط البط هتخليكو أحلى مني” وده اللي فسره الجمهور إن التعليقات دي بتزعلها.
وفي ناس ردت تقولها: “شوفوا الفلوس عملت إيه دنيا مرات محمود حديدة بقت ملكة جمال دي بقت سونيا إزاي وشها كله اتغير كده وبقت من الهوانم”، وفي ناس قالوا دي مش مرات حديدة، دي استخدمت تقنية ديب فيك، اللي بتقدر منها تركب صورتك على صورة حد تاني، طيب إيه هي التقنية دي هنقولكم.
مرات حديدة عملت تجميل ولا لأ؟
طبعاً في خبراء تجميل يقدروا من الصور اللي بتنتشر يحددوا في عمليات تجميل اتعمل ولا لأ وده اللي ذكره دكتور سامر عطية، خبير تجميل الوجه وعضو في الجمعية المصرية لجراحات التجميل، في تصريحات صحفية إنه لما شاف صور دنيا قبل وبعد، قال لا يمكن تحدد هي عملت تجميل ولا لأ بس بناء على اعتقاده قال تقريباً معملتش عمليات تجميل، بس ممكن تكون غيرت ملمس بشرتها أو عملت شد أو فيلر أو بوتكس للجلد، وبالنسبة بعينها عشان هي بتعاني من الحول قال ده أنا لازم أشوف على الطبيعة عشان أقدر أحدد.
حقيقة اللي حصل بالظبط
لما حصل بحث بقى اتضح إن الفيديو اللي تنتشر وظهرت فيه دنيا بتاع واحدة تانية اسمها ريناد محمود نشرته من فترة على حسابها في تيك توك وده بيتابعه أكثر من 36 مليون متابع، ودنيا ركبت صورتها على الفيديو الأصلي واستخدمت الفلاتر والذكاء الاصطناعي، والغريبة إنها نجحت إنها تاخد مشاهدات عدت الـ 3 ملايين مشاهدة للفيديو.
إيه هو الديب فيك؟
الديب فيك دي تقنية جديدة من تقنيات الذكاء الاصطناعي، ومنتشر دلوقتي كتير وبيتم استخدامها لإنتاج فيديوهات والتعديل على المحتوى ويقدر المستخدم يغير الأشكال والأبعاد والمكان بشكل مش موجود في الأصل أو الحقيقة.
