تسببت الموديل الشهيرة ديمي روز بحالوة كبيرة من الجدل بعد زيارتها مصر واستعراض مفاتنها في المعابد الفرعونية وهو ما أحدث ضجة كبيرة، وفيما يلي سوف نستعرض أبرز المعلومات عنها وسر الضجة التي أحدثتها.
الموديل العالمية الشهيرة ديمي روز أثارت جدل كبير جدا بزيارتها لمصر خلال اليومين اللي فاتوا.. دي واحدة بيتابعها 20 مليون شخص من كل دول العالم عشان صورها الملفتة للنظر وأحيانا بتكون “عريانة” زيادة عن اللزوم.
الغريبة إن ديمي روز جت مصر ومحدش كان يعرف حاجة.. وعملت جولة سياحية في الأهرامات والأقصر وأسوان.. وخدت الزي الفرعوني لمستوى تاني خالص.. واتصورت بيه على طريقتها قدام الآثار والمعابد وفي رحلة بحرية في النيل
طب مين هي ديمي روز عشان الناس اللي مش عرفاها؟.. هي موديل بريطانية مشهورة جدا.. وعارضة أزياء من نوع خاص.. بتعتمد على شكل جسمها الكيرفي بس بطريقة مثيرة للجدل طول الوقت.. ورغم إن سنها صغير.. يعني عندها دلوقتي حوالي 27 سنة.. لكن من يوم ما ظهرت على السوشيال ميديا وهي عاملة قلق
ومش بس الصور واللبس المثير.. ديمي روز واحدة من أشهر النشطاء في بريطانيا وتمتع بجمهور كبير.. ودايما ليها مواقف في قضايا اجتماعية وبتعبر عن رأيها واعتراضها بطريقتها الخاصة
طبعا صور ديمي روز اللي نشرتها على انستجرام خصوصا زيارتها للأهرامات ومعبد حورس والنيل وطبعا اللبس الفرعوني.. كان متصدر عناوين الصحف الأجنبية
وقالت عنها صحيفة الديلي ميل البريطانية الشهيرة.. إنها كانت بتستعرض منحنيات جسمها المميز جدا قدام الأهرامات والآثار المصرية القديمة.. وإن اللبس اللي ظهرت بيه في مصر كان واحد من أجرأ إطلالاتها على الإطلاق
الغريب كمان في القصة إن زيارة ديمي روز في مصر حصلت بعد فترة من الجدل حوالين علاقاتها العاطفية.. وده بعد ما اعترفت إنها بتميل للارتباط بالنساء.. رغم إنها كانت في قصة حب قبل كده مع مغني راب شهير.. بس الموضوع عندها متساوي شوية
وتقريبا كانت جاية مصر تبحث عن شريك أو شريكة حياتها اللي ليهم مواصفات خاصة.. مش مهم نوعه.. المهم يكون طموح وصادق وشخصية منفتحة على العالم
شهرة ديمي روز مش بس عشان إطلالاتها الجريئة أو آراءها المختلفة.. لا دي كمان بيزنس وومان ناجحة جدا.. وإلى جانب الموديلينج وعروض الأزياء.. هي سفيرة عالمية لشركة أزياء شهيرة للبيع بالتجزئة في بريطانيا
ديمي روز قعدت في مصر حوالي أسبوعين.. والإعلانات اللي عملتها على صفحتها للزيارة دي.. عملت دعاية مجانية لمصر بحوالي 2 مليون دولار لإن البوست عندها تكلفته حوالي 100 ألف دولار.. وكل ده محدش حس بيه في مصر بس العالم كله كان بيتكلم عنه.
