شاركت الفنانة السورية سارة نخلة جمهورها عبر حسابها الشخصي على تطبيق الصور والفيديوهات القصيرة إنستجرام، صورة لها داخل أحد المستشفيات إثر تعرضها لوعكة صحية.
وكتبت سارة نخلة: “انا اول مرة بعمل الحركة دي ولا عمري حبيت حد يشوفني تعبانة او ضعيفة بس الحوار غريب شوية او شويتين الحقيقة روحت البيت بعدين حسيت بوجع رهيب روحت المستشفى و عملت نقدر نقول نصف عمليه عشان التخدير كان موضعي عشان مش عارفة استحمل الألم بس غير اننا كان عندي برد اصلا و بقالي اربع ايام مش باكل كويس ومش بنام كويس و كل شوية بدوخ”.
وأضافت سارة نخلة: “بس السبب الي دخلني المستشفى بالليل و بكل بساطة هو نملة ، صدقوني نملة … تخيلوا لما تبقوا طول الوقت بتحاولوا تبقوا أقوى و كويسين و تيجوا على نفسكوا و في الآخر نملة تدخلكو العمليات ببساطة نملة قرصتني عملت التهاب بعدين خراج”.
وتابعت سارة نخلة: “دا انا فاكرة انها ناموسة عادية عشان انا جسمي حساس جدا بس وصلت لدرجة بالليل اني مش عارفة اقعد دقيقة من الوجع و السخونية و الدوخة و دخلت الطوارئ على طول و الدكتور فتح الخراج طبعا كنت بموت من الوجع بس الحمدلله عدت على خير”.
واختتمت رسالتها “الحمدلله على كل حال وانا في بيتي دلوقتي بس يارب ابقى احسن و الجرح يلم بسرعة عشان اقدر أوقف تاني”.
