حالة من الجدل الواسع، شهدتها مواقع التواصل الاجتماعي، الساعات الماضية، بعدما أعلنت الفنانة شيرين عبد الوهاب رجوعها رسميًا لطليقها حسام حبيب، الأمر الذي فجر ضجة واسعة على مواقع التواصل الاجتماعي.
وسأل الإعلامي عمرو أديب، شيرين عبدالوهاب، عن حسام حبيب، قائلا: “هو العريس فين جمبك ولا مريح؟”.
«العريس جمبك ولا مريح؟».. رد مفاجئ من شيرين صدم عمرو أديب على الهواء!
من جانبها ضحكت شيرين ضحكة عالية وقالت: “لا طبعا العريس جمبي خد وصيه عليا ياعمرو”، ليرد عليها عمرو : “أوصي مين دا انتي توصي بلد، ادهولنا ليكون طفش بسرعة”.
وتابعت شيرين: “احنا مبنطفش الناس احنا بنعمر، بس والله العظيم حسام ملهوش اي علاقة ولا بيتدخل دلوقتي في حياتي خالص، الناس كلها ظالماه”.
من جانبه قال حسام حبيب:” هي طبعا ال اقنعتي، وهي ال هتديني علقة دلوقتي اول مااقفل” ليرد عليه عمرو: “ماتقولش كدا قدام الرجالة”.
وفي وقت سابق، قالت الفنانة شيرين عبدالوهاب خلال تصريحات تلفزيونية، إن حسام حبيب أقنعها بكتب الكتاب خلال الأيام الماضية، مشيرة إلى أنه كان من المفترض أن يتم عقد كتب الكتاب غدا السبت 12 نوفمبر.
وأضافت: ” حسام دخل عليا بمأذون وقالي هنتجوز دلوقتي وأنا قولتله اللي تشوفه يا سي حسام.”
وتابعت: “أنا الفترة اللي جاية أقدر أنزل أشتري أكل أنا وحسام في الشارع وناكل فول وطعمية.”
