تعمل الآن على حسب قولها تيكتوكر، بعدما كانت مثل أي طالبة جامعية تغيرت حياتها بعد ظهورها في أحد البرامج بالشارع، وبسبب اختلاف طريقة حديثها حققت الفيديوهات الخاصة بها مشاهدات عالية، مما جعل البرنامج يجري معهخا أكثر من خحوار أخر ، إنها سندس عبد الهادي التي غابت الفترة الماضية ولكن عادت بنوع مختلف من الفيديوهات سوف نعرف تفاصيله من خلال التالي:
سندس عملت ضجة كبيرة على السوشيال ميديا الفترة اللى فاتت وكانت حديث الناس،خاصة بعد طريقتها الغريبة ومن بعدها عينك ما تشوف النور شهرة إيه وتريندات ياما.
سندس غابت غيبتها ورجعت بهيبتها،فكرت ترجع للتريند إزاى بعد فضحتها الأخيرة مع صحبتها فقررت متدخلش على الجمهور وإيديها فاضية وقالت تعلم الناس يتكلموا إنجليزى إزاى. ومن هنا رجعت سندس حديث الناس الساعات اللى فاتت زى ما كانت ويمكن أكتر شوية .
سندس أتعرفت بفتاة الكده وكده ،لما ظهرت بتغنى أغانى شعبى فى برنامج فى الشارع ومجرد ما قالت إحنا نجوم كده وكده ،الكل سماها سندس كده وكده.
أما بقى لو بتسأل بيقولوا عليها فتاة الساحل ليه؟ فده علشان هى إقامة طول الصيف فى الساحل ودايما تستغرب إن إزاى فى حد مش بيروح الساحل؟
ومن بعدها طاقة القدر اتفتحت لها وإشتهرت وإتعرفت أكتر وإعلانات والموضوع كبر معها وظهرت مع الإعلامية ريهام سعيد فى برنامج صبايا الخير .
سندس قالت إنها مستعدة تعمل أي حاجة الجمهور عايزها منها لو عايزها تمثل تمثل ليه لا خاصة إن فعلا إتعرض عليها أدوار بس هي علشان مهملة في مواعيدها مراحتش الكاستينج.
قالت كمان إن والدها طيار متقاعد ،وأمها بتكتب شعر وكانت ممثلة قبل كدة ، وعندها 6 أخوات وهى الصغيرة أخر العنقود.
الناس إتفاعلت معاها فى البداية وحبت طريقتها ،وبقى لها جمهور كبير متابع لفيديوهاتها لحد ما حصلت المفاجأة اللى قلبت حياتها وزى ما قالوا كشفتها على حقيقتها.
انتشر لسندس في الأيام اللى فاتت فيديو بينها وبين صاحبتها إسمها علياء وحصلت خناقة ووقعوا في بعض والشيطان دخل بينهم
حسب كلام علياء معاها قالت إنها بتمثل على الجمهور ومش بتظهر بشخصيتها الحقيقة وإنها بتقلدها في كل حاجة، وكل ده علشان تكسب الجمهور،وأكدت معايا شهود إنها بتقلدها ودى مش شخصيتها الحقيقة.
ولما سندس ردت بإنها تنفى الكلام فى فيديو وقالت سندس واحدة بس يا حبايبى ،كده وكده واحدة بس فاللى نفسه يطلع تريند على قفايا يجى يقولى وأنا هطلعه تريند بلاش الطريقة دى يا حقودة يا صفرا .
سندس وجهت رسالة للجمهور أنا طلعت تريند مش علشان طريقتى طلعت علشان شخصيتى وبس والكاريزما مش لأى حد فريحى دماغك بقى ،وأهدوا أهدوا يا جماعة شوية
من بعدها سندس أختفت عن التريند تماما ورجعت ظهرت تانى بتعلم الناس الإنجليزى.وطبعا لما الفيديو أنتشر الجمهور هجم بتعليقاته وقالوا إن في فعلا طريقتها في الفيديو غير طريقتها مع الجمهور على التيك توك. وقالولها شكلك يا سندس هتخسرى الجمهور ولا إيه؟
والجمهور بقى ما صدق يمسك عليها حاجة خاصة اللى كانوا بيضايقوا من طريقة كلامها واهو شوفوا بتردح لها إزاى لا شوية وهتقوم تضربها دى طلعت من شبرا، حاجة غريبة الحقيقى جابت الكلام لأهل شبرا وهو قاعدين في بيوتهم.
سندس إتعرضت فى الفترة الأخير لشائعات كتير زى إرتباطها بالبلوجر شادى سرور ولكن هى نفت ده وقالت كنا بنلعب والحكم إن أمثل مشهد رومانسي مش أكتر.
انتوا بقوا قوللنا رأيكوا في ظاهرة البلوجرز اللي موجودين على كل السوشيال ميديا؟ورايكوا إيه في تصرفاهم وحياتهم عامة هل دى حرية شخصية ؟ وهل الجمهور السبب في ظهورهم ؟ وياترى سندس ناوية على إيه الأيام الجاية وهتركب التريند.
