أمير قطر يفاجئ “ويجز” بهدية خيالية بعد تألقه في الغناء بنهائي كأس العالم

ولاد مصر بيثبتوا نفسهم في أي مكان، ومصر شاركت في كأس العالم بطريقة مختلفة، شاركت بواحد من مواهبها، وقدم أغنية لفت العالم كله، وبعد أن كان يحلم أن يسمعه شخص واحد أصبح العالم كله يسمعه، وأصبح اول مصري وعربي يشارك في ختام فعاليات كاس العالم لكرة القدم، وفيما يلي سنتعرف على مكافأة قطر لويجز بعد مشاركته وتمثيل مصر في كأس العالم.

رغم ان العالم كله امبارح كان مركز مع الماتش، ومين اللي هيفوز ببطل كأس العالم 2022، وعيشنا ليلة مختلفة بفوز الارجنين بضربات الترجيح بعد ماتش صعب مع فرنسا.

لكن المصريين كانوا مركزين مع ابن بلدهم، مغني الراب “ويجز”، اللي راح يمثل مصر على اراضي قطر، وغنى للعالم كله، سواء بتحبه او بتحب اغانيه ولا لا، بس الكل امبارح كان مبسوط ان في مغني من مصر بيشارك في ختام كاس العالم.

ويجز شوقنا قبل نهائيات الكاس، ونزل فيديو اغنية “عز العرب” اللي اتعملت مخصوص عشان المونديال، وفي اقل من يوم كانت جايبة ملايين المشاهدات على اليوتيوب.

والناس كلها استنيته يغنيها في ملعب لوسيل في الدوحة، وفعلا بين الشوطين ظهر وهو لابس الشال والعباية القطرية وغنى “عز العرب”، ولفت انظار العالم كله، ووصل انه يبقى اول مصري يشارك في ختام كاس العالم، عشان كدا قطر كان مكافأتها كبيرة، وقدمته أجر 200 ألف دولار، يعني حوالي بالمصري 4 مليون جنيه.

وقطر استقبلته قبل النهائي بأيام عشان يعمل بروفات على الاغنية مع مهندسين الصوت والاضاءة وهنا هو مش أجره بس كان فلوس، لكن هو كمان كسب شهرة اوسع، وحدث اي مغني يتمنى يكون مكانه.

بجد ويجز قادر يدينا كلنا أمل ان احلامنا هتتحقق، وانه كان لسه في 2017 عايش في الورديان، منطقة بسيطة، وبيحلم ان حد يسمع موهبته في الراب،لمغني ناجح في 2022، وصوته بيتسمع من جنسيات مختلفة، خصوصا ان الاغنية اللي قدمها من كلماته والحانه، وحققت نجاح مكنش يتخيله.

ورغم ان الايام اللي فاتت مغنين الراب، كانوا بيعدوا بأزمات مع نقابة الموسيقين بسبب التصريحات وانهم يغنوا بفرقة موسيقية، لكن رغم كدا مصطفى كامل نقيب المهن الموسيقية، معترضش على ان ويجز يحيي حفل ختام كاس العالم.

لكن بالعكس كان فخور بيه، لانه بيمثل مصر ورافع راسنا برا، وده كان رده على الاشاعات اللي طلعت ان مصطفى كامل حول ويجز للتحقيق، لما سألوا ويجز ازاي وصل لشهرته دي في وقت يعتبر مش كتير، كان دايما بيقول، ان كدا كدا في صعوبات بس هتختار حاجة من الاتنين، يا تتجنن.. يا تكملشكلنا احنا كمان ياويجز محتاجين نكمل.