تداول رواد مواقع السوشيال ميديا تصريحات صادمة للراحلة سعاد حسني، واثارت هذه التصريحات ضجة كبيرة علي السوشيال ميديا.
قالت سعاد حسني في تصريحاتها:” صحيت من النوم لقيت واحدة معرفهاش , مش أنا دي حتي مش شبهي ، واحدة كبيرة مريضة مش قادرة تتحرك ولا قادرة تواجه الناس..
ناس هما مين الناس حتي الناس معرفوهاش “.
وأضافت خلال رسالتها:” كل إلي كان بيقولي أنت لسه حلوة أو زي القمر كان بيدبحني أكثر من إلي بيقولي الحقيقة .. أنا يا دكتور في جسم واحدة معرفهاش و مبحبهاش أكيد الست إلي أنا في جسمها دي متعرفش زوزو ولا حتي تعرف سعاد صعب أتقبلها ولا حتي أقعد معاها ثانية واحدة “.
واستكملت :” لا و كمان محدش حتي فكر يرفع سماعة التليفون يقولي أزيك ؟ أجيلك ؟ محتاجة حاجة ؟ طب بلاش حد يقولي أتكلمي أنا سامع …. ده أحسن مليون مرة من أي علاج مش عارفة لو من حقي أزعل أزعل من الناس ولا من الحياة ولا أزعل من الصحاب إلي فضلوا صحاب لحد أول أزمة ليا وبعدها نسيوا عنواني”.سعاد حسني
