هل عادت ياسمين صبري لابو هشيمة؟ الساعة التي ظهرت بها ياسمين صبري لا يستطيع على شرائها أي شخص، فهل تتخيل أن ترتدي في يدك أكثر من ألف قطعة ألماس؟ كما سمعت، ساعة ياسمين صبري تسببت في ضجة كبيرة بسبب سعرها الخيالي وعدد قطع الألماس التي أحتوتها، تابعونا من خلال التقرير التالي سنكشف أهم التفاصيل:
كالعادة ياسمين صبري دايما مثيرة للجدل، وفي مهرجان البحر الأحمر بالسعودية، لفتت كل الأنظار ليها مش بس عشان علاقتها بالنجم جاكي شان، لكن الكل بيسأل عن ساعة ايديها وعاوزين نعرف جبتها بكام، بس الاول خلينا نعرف الحكاية اصلها إيه؟
زيها زي اي نجمة مشهورة، ياسمين نشرت صورة ليها على الانستجرام بتبين فيها تفاصيل اطلالتها في الحفلة، ولما الجمهور ركز معاها اكتشف انها لابسة ساعة من توقيع دار الأزياء العالمية Cartier.
والمميز في ساعة ياسمين بأن جسم الساعة نفسه مصنوع من الدهب الابيض عيار ١٨ قيراط ومرصعة بـ ١٠٣٩ قطعة ماس.
بس هل ده مبرر لتمنها الخيالي، دا سعرها 114 ألف دولار أمريكي، يعني لو هنحسبها على سعر الدولار الرسمي في البنك بحوالي 24.60 جنيه، هنلاقي تمنها 2 مليون و800 ألف جنيه!
بس عارف الفكرة في ايه، دي مش اول مرة ياسمين صبري تطهر بمجوهرات تلفت الأنظار، يعني قبل كده نشرت صورة ليها وهي لابسة ساعة يد من ماركةPatek Philippe.
وبرضه كانت مصنوعة من الدهب عيار 18 قيراط، حتى الأرقام كانت من الذهب الوردي عيار 18، وطبعا مننساش الماس، بس الصراحة كانوا 48 بس.
وخد الكبيرة بقى، ياسمين فاجأت الجمهور بعقد التمساحين، ايو اسمه التمساحين زي ماسمعت بالظبط. العقد ده بقى وزنه 120 قيراط من الألماس، وكمان مزين بفصوص من الزمرد والمجوهرات الثمينة باللونين الأخضر والاصفر، واتقال ساعتها انه أغلى عقد في العالم!
وهنا طبيعي تسأل هي ياسمين صبري جابت الفلوس دي كلها منين، ياترى رجعت لابو هشيمة؟ ولا دا كله من فلوس المؤخر؟ الفنانة طلعت عشان توضح موقفها وقالت إن عقد التمساحين مش للبيع اصلا.
وقصته بدأت في 1975 لما الممثلة والمطربة المكسيكية ماريا فيليكس راحت لدار ازياء كارتيبه وطلبت منهم يعملوها عقد على شكل تمساحين، والسر في كدا انها بتربي تمسحين كانوا عزاز اوي على قلبها.
وبعد شهرين شغل خرج العقد الغريب للنور، ومن ساعتها وهو علامة مميزة لدار الأزياء الشهيرة، ومن بعد فيلكس ظهرت بيه الفنانة الايطالية مونيكا بيلوتشي على السجادة الحمرا في مهرجان كان سنة 2006.
عشان بعدها بعدها ب15 سنة وفي 2021 مين اللي تظهر بيه يامؤمن؟ ايوة هي ياسمين صبري، سيلينا جوميز الغلابة زي ما الناس عالسوشيال ميديا بتحب تسميها.
ويبدو كده ان الممثلة التلاتينية ورغم غيابها عن الاعمال السينمائية والتفلزيونية، لسة واحدة من أشهر نجمات العالم العربي ويمكن صعودها السريع في بداية مشوارها خلى دور ازياء عالمية زي كارتييه تختارها كسفيرة ليهم.
ومن الواضح برضه انها الفترة الأخيرة مركز اكتر على مجال الفاشون اكتر من التمثيل، يعني دي مش هتبقى اخر مرة تشوفوا ياسمين صبري لابسة ملايين في ايديها، انت بقى قلتلي مرتبك يساوي كام جرام دهب؟
