تريد أنتشتري سيارة أو حتى تبيع سيارتك؟ السوق يقول لك أن تنسى الأمر، وذلك لأن التجار قاموا بإيقاف البيع والشراء في الوقت والحالي، ولكن هل هذا يعني أن أسعار السيارات سترتفع؟ وما علاقة الأمر بسعر الدولار واجتماع البنك المركزي القادم؟ هذا ما سنتعرف عليه من خلال التقرير التالي:
لو يهمك تعرف حال السوق السيارات دلوقتي في مصر، فتقدر تقول ان السوق كله واقف على رجل، وبمعني أوضح، اغلب التجار موقفن البيع والشراء لسببين:
الأول هو التذبذب في سعر الدولار، خاصة مع الكلام الكتير عن نية البنك المركزي بإجراء تعويم كامل للجنيه، ده غير تقرير تانية بتتكلم عن ارتفاع سعر الدولار في السوق الموازية الي 36 جنيه ويكن اكتر كمان.
أما السبب التاني، فهو انتظار التجار عشان يعرفوا سعر الفايدة الفترة اللي جاية، وهل هيزيد ولا لأ. دا اللي قاله أشرف عبد المنعم، رئيس شركة شيرين كار، الموزع المعتمد لأكتر من علامة تجارية جوة السوق المصري.
عبد المنعم أكد إن غالبية شركات وتجار السيارات توقفوا عن عمليات البيع حاليت، لغاية اجتماع لجنة السياسات النقدية بالبنك المركزي، لتحديد أسعار الفائدة.
ولغاية دلوقتي محدش يقدر يأكد اذا كان الاجتماع ده هيبقي استثنائي، ولا هيتم في معاده الأصلي بتاريخ 22 ديسمبر.
بس الاكيد حسب كلام عبد المنعم ان الكل مستني صدور القرارات الجديدة، لان على أساسها التجار هيعملوا إعادة تسعير السيارات من جديد.
وحاليا سوق السيارات في مصر بيعاني من التذبذب في ظل قرارات البنك المركزي الأخيرة، زب رفع الفايدة وتحرير سعر الصرف، وإلغاء الاعتمادات المستندية تدريجيا.
ونتيجة لكل العوامل دي: توقع عبد المنعم، ارتفاع أسعار السيارات خلال الفترة الجاية عشان تعرض نسبة الزيادة اللي هتحصل في سعر الدولار، وخصوصا ان في نقص بحجم المعروض من السيارات نتيجة تداعيات الأزمات العالمية ووقف الاستيراد خلال الفترة الماضية.
عشان كده، منتصر زيتون، عضو شعبة السيارات، نصح اي حد بيفكر يشتري عربية بالتخرج فورا لأن الأسعار فى زيادة مستمرة، ومس هتيحل اي تراجع خلال الفترة الحالية حتى مع بداية العام الجديد 2023.
وصحيح أسعار العربيات في زيادة مستمرة من شهر مارس بس برضه الناس واقفة طوابير على معارض السيارات في كل الجمهورية زي ماقال زيتون.
ومن وجهة نظره، الناس في سباق لشراء السيارات؛ خوفاً من زيادة أسعارها ، ووده عمل عجز فى أعداد السيارات واتسبب في اختفاء بعض الموديلات؛ نتيجة زيادة الإقبال ونقص المعروض بسبب وقف الاستيراد.
ومن الناحية التانية، بعض الموزعين المعتمدين داخل السوق وقفوا البيع لحين استقرار الأسعار خصوصا إن عملية البيع بتعرضهم لخساير كبيرة.
وخلال الشهور الأخيرة حصل اكتر من أزمة في سوق السيارات ظهرت بشكل واضح اوي في ارتفاع أسعار الأوفر برايس، وكمان الشكاوي المتكررة من الحاجزين بخصوص صعوبة استلام السيارات من التوكيلات واللي لسة مستمرة لغاية دلوقتي.
انتوا بق ي مع فكرة الشراء في أسرع وقت، ولا شايفين العربيات هترخص في بداية 2023؟ طب العربية اللي كنتوا ناويين تشتروها سعرها زاد قد إيه؟
