نبيلة كرم واحدة من نجوم التسعينات، لكن مع الأسف لا يعرفها الكثير من الجيل الحاليـ، حيث أنها عاشت حياة فنية قصيرة ولكنها مليئة بالمفاجآت كما انها طردت من مصر وتزوجت من فنان شهير، سنتعرف على المزيد من خلال التقرير التالي:
نبيلة كرم فنانة لبنانية من مواليد ١٩٥٤، وعاشت في لبنان و درست هناك في كلية الفنون الجميلة، بس كانت حياتها في المسرح .
واللي اكتشف موهبتها المخرج المسرحي موريس معلوف بس مابدأتش مشوارها الفني غير في مصر. طبعا كلنا عارفين ان اي فنان دائما نقطة انطلاقة بتكون من مصر، وفعلا ده اللي حصل مع نبيلة، جت مصر و بدأت تشارك بادوار صغيرة ، لحد ما اتعرفت شوية، ودائما كانت بتقدم ادوار اغراء حاجة كده زي ميسرة الفترة ديه.
نبيلة كرم قدمت افلام كتير جدا زي صراع الحسناوات، ساعي البريد، اخترت حياتي، أحلى من الشرف مفيش، حرب الفراولة، و بعد ما نجمها لمع في مصر،شاركت في الدراما اللبنانية و المغربية والمصرية طبعا .
وكان متوقع ليها مشوار فني ناجح ، حتى انهم لقبوها ب ملكة الاغراء، لانها نجحت في الادوار ديه جدا، بس حصل معاها عقوبات كتير ادت لنهاية مشوارها الفني القصير هنا في عز نجاحها وقع في حبها الفنان الراحل ممدوح عبد العليم .
و اتجوزها فترة بسيطة في السر ، وبعد كده اعلنوا عن الزواج ده، بس كان من شروط ممدوح عبد العليم علشان الجواز، انها تسيب الفن و حياة النجوم و تتفرغ ليه و للاولاد اما يخلفوا ، من الاخر يعني تعتزل، وافقت نبيلة في الاول، بس بعد كده بدات المشاكل بينهم، ونداهة الشهرة ندهتها تاني، وانفصلوا بعد فترة زواج قليلة.
في اول الانفصال كان السبب المعلن انها عاوزة ترجع للفن، و ده ضد رغبة ممدوح عبد العليم ، بس بعد فترة ظهرت اشاعات كتير عن وجود علاقة بين نبيلة كرم و الفنان ايمان البحر درويش، وان العلاقة ديه كانت بدايتها وهي لسه في فترة زواجها من ممدوح عبد العليم .
والاشاعات زادت وصلت لحد انهم اتجوزوا عرفي .. وده اللي نفاه الفنان ايمان البحر درويش في كل مرة يتسال على الموضوع ده … والحقيقة ان ديه مش اهم العقبات اللي اتعرضت ليها نبيلة كرم ، لكن في بداية التسعينات كانت في مرة راجعة مصر عادي بعد ما كانت في لبنان ..
اتمنعت من انها تدخل مصر، و بلغوها وهي في المطار انها ممنوعة من دخول مصر الى الابد .. و اسمها في قايمة المحظورين.
طبعا في الاول استغربت بس السبب اللي اتقال وقتها انها كانت على علاقة غير اخلاقية بابن وزير داخلية سابق .. وده اللي خلاه ياخد القرار ده علشان تبعد عن ابنه، بس بعد فترة اترفع الحظر عنها.
وفي نص التسعينات اتجوزت في السر من راجل اعمال اجنبي من أصل لبناني، و عاشت معاه في السويد، و بعدت عن الفن و حياة المشاهير الى الابد .
