البنك الأهلي وبنك مصر طرحوا شهادة جديدة بفايدة 25٪ مرة واحدة في خبر سار لكل عملاء البنوك.لكن ما السبب وما هي تفاصيل هذه الشهادة؟ ومتى ستنتهي؟ كل هذا سنتعرف عليه من خلال التالي:
البنك الأهلى المصرى وبنك مصر اعلنوا عن طرح شهادة ادخارية جديدة مدتها عام واحد بفائدة 25% تصرف بنهاية المدة، أو فائدة 22.5% تصرف شهريا.
يعني ال100 ألف يجيبوا في السنة 25 ألف لو هتختار العائد السنوي، و22 ألف و500 جنيه لو هتختار العائد الشهري
ولو جاهز بالفلوس، تقدر من النهاردة تشتري الشهادة الجديدة في كافة فروع البنكين ومن جميع القنوات الالكترونية الخاصة بيهم.
وده رغم تصريحات هشام عكاشه نائب رئيس البنك الاهلي في وقت سابق لما استبعد ان البنك يطرح شهادات بفايده اعلى من 17 وربع في المئه لانه كان شايف العائد مناسب جدا، ومفيش اي داعي لزيادته.
وكان رأيه ان العائد على الشهادات المفروض يبقى مساوي او اقل شويه من سعر العائد على الايداع والاقراض في البنك المركزي.
وبعد رفع لجنة السياسة النقدية للبنك المركزي بنسبة 3% في 22 ديسمبر الماضي، أصبح سعر الفايدة على الايداع 17.25٪ وعلى الإقراض 16.75٪.
إنما محمد الإتربي رئيس بنك مصر، قال في وقت سابق إن البنك هيدرس موقف رفع الفائدة على الشهادات عنده بعد رفع الفائدة بالبنك المركزي مؤخرا بنسبة 3%، بحسب تكلفة الأموال في البنك.
وخلينا نقول ان بعد قرار رفع الفايدة كتير من الخبرا توقعوا ان البنوك تطرح شهادات بفايدة 20% أو اكتر كمان عشان تقدم عائد حقيقي للعملاء.
والفكزك هنا ان معدل التضخم الأساسي في مصر وصل إلى 21.5% حسب اخر بيانات البنك المركزي، عشان كده الفايدة على الشهادات القديمة كانت سلبية يعني أقل من معدلات التضخم.
وللسبب ده اقترح الخبرا طرح شهادات بفايدة عالية عشان تجذب الجمهور لوضع فلوسه في البنوك بحثا عن المكسب المضمون، وبكده تقل السيولة في إيد الناس فيقل الطلب على السلع فى السوق ويقل التضخم.
والسؤال دلوقتي هل الشهادات بفايدة 25% هتفضل متاحة علطول؟
حتى الآن مفيش اي معلومة رسمية عن النقطة دي، لكن لو بصيت على تجربة مماثلة وهي شهادات ال18% ، هتلاقي انها كانت شهادات استثنائية، البنك الأهلي وبنك مصر طرحوها في مارس 2022 تزامنا مع تحريك الجنيه أو التعويم الأول في السنة اللي فاتت.
وبعدها بشهور وفي نهاية مايو تحديدا ، البنكين وقفوا طرح شهادات ال18% بعد جمع حصيلة 750 مليار جنيه تقريبا.
وعلى فكرة مواعيد استحقاق شهادات الادخار ذات العائد المرتفع 18% هيبدأ من يوم 22 مارس المقبل حتى آخر استحقاق 31 مايو.
فهل نقدر نقول ان شهادات ال25%. هي بديل شهادات ال18%? وهل هتبقى متاحة لمدة محدودة زيها؟ طيب لو معاك مبلغ كويس هتشتري بيه الشهادة الجديدة ولا عندك اقتراح تاني؟
