سباب وهجوم شرس من المستشار مرتضى منصور في حق عدد كبير من الإعلاميين والرياضين بعد كلامهم عنه الماضية، فماذا حدث ؟ تابعونا من خلال هذا التقرير لمعرفة التفاصيل:
خناقة كبيرة بين المستشار مرتضى منصور وعدد كبير من الإعلاميين منصوبة دلوقتى، فيها هجوم كبير.المستشار مرتضى منصور مرة واحدة طلع يهاجم بشدة عدد كبير من الإعلاميين والرياضيين منهم أحمد موسى، بعد كلامة الأخير عن البرتغالى فيريرا المدير الفني السابق للزمالك، وكان رد المستشار عليه صعب قوى قل من قيته، وقال على أحمد موسى إنه مخبر والشعب كله مش طايقة، وبيقول عليه مخبر.
وشايف إنه كلامه على فيريرا بشكل كويس بعد ما مشس بقرار من المستشار أنه تدخل في شئون نادى الزمالك، ومكنش يحق لأحمد موسى أنه يتكلم خالص على فيريرا ولا على الطريقة اللى مشى بيها.
وبعدما مسك الإعلامي عمرو أديب واللي معروف أنه زملكاوي جدا ولكنه كان بيدافع عن فيراي برضو، وقال عنه إنه بتاع شو وبيحب الفلوس وبيعمل كده للشو مش أكتر.
ودخل على الخط كابتن أحمد شوبير، لما مرتضى منصور سمع أنه اتهمه أنه السبب في رحيل “مارك كلاتنبرج” اللى كان ماسك لجنة الحكام المصرية، وقال نصا: “شوبير بيقول مين هيحاسب على الفاتورة، أمك اللى هتحاسب ياشوبير !”.
وده طبعا خلى كابتن أحمد شوبير غضبان جدا، ولمح بكلام على مرتضى منصور، ماهو طبعا ميقدرش يجيب اسمه نصا، وكتب شوبير على تويتر: “الحقيقة أنت محتاج أمة لا إله إلا الله عشان تحاسبك على الصفقات مش أمي أنا بس”.
وبعد ما المستشار مخلص من خناقته مع الإعلاميين، طلع يتكلم على تقنية الفار في والدورى، وهاجم بسببها جمال علام وحازم إمام، واتهمهم بأنهم السبب فى تعطل تقنية الفار في مباريات الزمالك الأخيرة، وقال أن جمال علام وحازم أمام هما السبب، سبحان الله مع أن حازم إمام ابن نادى الزمالك، ومن ولاد النادى.
المستشار قال على حازم إمام إن كل اللى شاغله المشاريع الخاصة مش فاضى لنادى الزمالك، رغم انه هو اللى صنع اسمه.
ده كمان جاب سيرة الحكام والمخرجين وكل واحد تقريبا ليه علاقة بالكرة في مصر، سواء كان لاعب أو بيصور المباريات حتى، مرتضى قال على المخرجين دول منحرفين هما والمذيعين، وانه لولا هوه كان المخرجين دول بوظوا الماتشات على جماهير نادى الزمالك .
ووجه رسالة للجهاز الفنى للزمالك وقال عليهم رجال وجميعهم أولاد النادي، هما والجماهير التي تقوم بدعم النادى والوقوف خلف الفريق، وأنه بسببهم هيعلن عن مفاجأة قبل نهاية الشهر، وهى أنه لن يكون هناك مستحقات للاعبين، مش عارفين ازاى بس قشطة، ده مرتضى منصور يعنى.
وطبعا كما هي العادة، مش هنخلص من حوار مدرب نادى الزمالك اللى مشى ده بالساهل، لازم نفضل كده فيه شويه.
المستشار مرتضى منصور مبطلش كلام على فيريرا، مدرب النادى السابق، اللى على الرغم من الراجل مشى من كام يوم، بس المستشار برده مكمل كلام عليه، وقال أنه مشاه أصلا رغبة في رأى أعضاء نادى الزمالك وأنه عمل تصويت بينهم وبين بعض كده، التصويت ده، قال أن لازم فيريرا يمشى فورا بعد الخساير اللى وقع فيها النادى الفترة اللى فاتت.
وفى نفس القعده اللى جاب فيها سيرة فيريرا، جاب سيرة مرتضى أبنه، بس طبعا بطريقة كويسة، وقال إن أعضاء النادى هما اللى مارضيوش يقبلوا الاستقالة اللى كان متقدم بيها، وعشان كده هوا مقبلهاش.
لحد هنا ونكون لخصنا الخناقة اللى عملها المستشار مرتضى منصور في حق عدد كبير من الإعلاميين، تفتكروا هل المستشار هيتكفى باللى جاب اسمهم دول ولا هيجيب في سيرة ناس تانية؟.. اكتبوا رأيكم في التعليقات.
